അച്ഛന്റെ വിവാഹേതര ബന്ധം നേരിട്ട് കാണേണ്ടിവന്നു; മകളെ കെട്ടിയിട്ട് പീഡിപ്പിച്ച് പിതാവിന്റെ പ്രതികാരം

വിവാഹേതരബന്ധം കണ്ടെത്തിയതിന് മകളെ കെട്ടിയിട്ട് പീഡിപ്പിച്ച് പിതാവിന്റെ പ്രതികാരം. രാജസ്ഥാനിലെ ജലോര്‍ ജില്ലയിലെ 17 വയസ്സുകാരിയാണ് അച്ഛന്റെ പീഡനത്തിനിരയായത്.

അച്ഛന്റെ വിവാഹേതരബന്ധം താൻ നേരിട്ട് കണ്ടതിനെ തുടർന്ന് തന്നെ ദിവസങ്ങളോളം കാലുകൾ ബന്ധിച്ച്  പീഡിപ്പിച്ചെന്നാണ് പെണ്‍കുട്ടി പൊലീസിന് നല്‍കിയ പരാതിയില്‍ പറയുന്നത്.

പെൺകുട്ടിയുടെ മാതൃ സഹോദരനാണ് പിതാവിന്റെ പീഡനം സംബന്ധിച്ച് പരാതി നല്‍കിയിരിക്കുന്നതെന്ന് പൊലീസ് വ്യക്തമാക്കി. കൈകാലുകള്‍ ബന്ധിച്ചിട്ടാണ് ദിവസങ്ങളോളം അച്ഛന്‍ ലൈംഗികമായി പീഡിപ്പിച്ചെന്നാണ് പെൺകുട്ടിയുടെ മൊഴി.

കുടുംബത്തിലെ മറ്റൊരു സ്ത്രീയുമായി അച്ഛന്‍ വിവാഹേതരബന്ധത്തിലേര്‍പ്പെടുന്നത് താന്‍ കണ്ടെന്നും അതിന്റെ പ്രതികാരമെന്നോണമാണ് അച്ഛന്‍ തന്നെ ഉപദ്രവിച്ചതെന്നും പെണ്‍കുട്ടി പറയുന്നു.

ഏഴുവര്‍ഷങ്ങള്‍ക്ക് മുന്‍പ് പെണ്‍കുട്ടിയുടെ അമ്മയുമായുള്ള വിവാഹബന്ധം വേർപെടുത്തിയിരുന്നു. അമ്മ അടുത്തിടെ മറ്റൊരാളെ വിവാഹം കഴിക്കുകയും ചെയ്തു. അച്ഛനൊപ്പമായിരുന്നു പെണ്‍കുട്ടിയുടെ താമസം.

അച്ഛൻ വെള്ളിയാഴ്ച പാടത്ത് പണിയെടുത്തു കൊണ്ടിരിക്കുന്നതിനിടയാലാണ് പെണ്‍കുട്ടി വീട്ടിൽ നിന്നും രക്ഷപ്പെട്ട് അമ്മാവന്റെ മുന്നിലെത്തിയത്.

പെണ്‍കുട്ടിയുടെ പരാതിയുടെ അടിസ്ഥാനത്തില്‍ കേസ് രജിസ്റ്റര്‍ ചെയ്തിട്ടുണ്ടെന്നും ന്യൂനപക്ഷസമുദായത്തിന്റെ കേസുകള്‍ കൈകാര്യം ചെയ്യുന്ന സെല്ലിലേക്ക് കേസ് കൈമാറിയിട്ടുണ്ടെന്നും റ്റേഷന്‍ ഹൗസ് ഓഫിസര്‍ഗിരിധര്‍ സിങ് അറിയിച്ചു.