Two-Year-old Sexually Assaulted | രണ്ടു വയസുകാരിയെ ക്രൂരമായ ബലാത്സംഗത്തിന് ഇരയാക്കി ബന്ധു

ജലന്ധർ: രണ്ടു വയസുള്ള പെൺകുട്ടിയെ ലൈംഗികമായി പീഡിപ്പിച്ചു. ബന്ധുവായ ആളാണ് പെൺകുട്ടിയെ ക്രൂര ബലാത്സംഗത്തിന് ഇരയാക്കിയത്. പഞ്ചാബിലെ ജലന്ധറിലാണ് സംഭവം. തിങ്കളാഴ് വൈകുന്നേരമാണ് പെൺകുട്ടി ബലാത്സംഗത്തിന് ഇരയായതെന്ന് പൊലീസ് പറഞ്ഞു.

കഴിഞ്ഞദിവസം മാതാപിതാക്കൾക്കൊപ്പം പെൺകുട്ടി ദാകോഹ മേഖലയിലെ അങ്കിളിന്റെ വീട്ടിൽ എത്തിയിരുന്നു. ഇവിടെ വച്ചാണ് ബന്ധു പെൺകുട്ടിയെ പീഡിപ്പിച്ചത്. മാതാപിതാക്കൾക്കൊപ്പം അങ്കിളിന്റെ വീട്ടിൽ എത്തിയപ്പോൾ ആയിരുന്നു പെൺകുട്ടി ബലാത്സംഗത്തിന് ഇരയായത്.

തിങ്കളാഴ്ച വൈകുന്നേരം ആയിരുന്നു പെൺകുട്ടിയുടെ അങ്കിൾ ആളൊഴിഞ്ഞ സ്ഥലത്തേക്ക് കുട്ടിയെ കൊണ്ടു പോയത്. അവിടെ വച്ച് അങ്കിൾ കുട്ടിയെ ലൈംഗികമായി പീഡിപ്പിക്കുകയായിരുന്നെന്ന് പൊലീസ് പറഞ്ഞു.

പെൺകുട്ടിയുടെ മാതാപിതാക്കളുടെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്തതായി പൊലീസ് അറിയിച്ചു. സംഭവം നടന്നതിനു ശേഷം പ്രതി ഒളിവിലാണ്. പൊലീസ് ഇയാൾക്കായി അന്വേഷണം ആരംഭിച്ചു കഴിഞ്ഞു. അന്വേഷണം നടന്നു വരികയാണെന്നും സബ് - ഇൻസ്പെക്ടർ മൻപ്രീത് കൗർ പറഞ്ഞു. ഗുരുതരാവസ്ഥയിൽ തുടരുന്നതിനാൽ പെൺകുട്ടിയെ ആശുപത്രിയിൽ പ്രവേശിപ്പിച്ചതായും പൊലീസ് പറഞ്ഞു.