അവിവാഹിതയായ കൗമാരക്കാരിയുടെ കുഞ്ഞ് കുളിമുറിയിലെ ജനലിലൂടെ നിലത്തുവീണ് മരിച്ചു

അവിവാഹിതയായ കൗമാരക്കാരിയുടെ കുഞ്ഞ് കുളിമുറിയിലെ ജനലിലൂടെ നിലത്തുവീണ് മരിച്ച നിലയിൽ. 19കാരിയായ യുവതി കുഞ്ഞിനെ ജനലിലൂടെ എറിഞ്ഞു കൊന്നു എന്നാണ് റിപ്പോർട്ട്. ഒരു കെട്ടിടത്തിന്റെ പാർക്കിംഗ് മേഖലയിൽ കുഞ്ഞിന്റെ ശരീരം വീണു കിടക്കുന്നതു കണ്ട മറ്റു താമസക്കാരാണ് സംഭവം വെളിച്ചത്തു കൊണ്ടുവന്നത്

അന്വേഷണത്തിനൊടുവിൽ കുഞ്ഞ് യുവതിയുടേതാണെന്ന് കണ്ടെത്തി. യുവതിക്കെതിരെ പോലീസ് കേസ് രജിസ്റ്റർ ചെയ്തു. ഏതാനും ദിവസങ്ങൾക്കു മുൻപ് വയറുവേദനയെ തുടർന്ന് ഇവരെ ആശുപത്രിയിൽ പ്രവേശിപ്പിച്ചിരുന്നു (തുടർന്ന് വായിക്കുക)

നവി മുംബൈയിലാണ് സംഭവം. ആശുപത്രിയിലെത്തിയ യുവതിയെ നേരുൾ ഹോസ്പിറ്റലിലേക്ക് റെഫർ ചെയ്തു. ഇവിടെ വച്ചായിരുന്നു പ്രസവം. അതേദിവസം രാത്രിയിൽ തന്നെ ഇവർ വീട്ടിലേക്ക് മടങ്ങി

2022 ഡിസംബർ ഒമ്പതിനും സമാന സംഭവം നടന്നിരുന്നു. ഡൽഹിയിലെ കൊണ്ട്‌ലിയിൽ അവിവാഹതയായ പെൺകുട്ടി ചോരക്കുഞ്ഞിനെ ശുചിമുറിയിലെ ജനലിൽ നിന്നും എറിഞ്ഞ് കൊല്ലുകയായിരുന്നു