പോൺസ്റ്റാർ എമിലി വില്ലിസ് അതീവഗുരുതരാവസ്ഥയിൽ; ഹൃദയാഘാതത്തിന് പിന്നാലെ കോമയിൽ

ഹൃദയാഘാതത്തെ തുടർന്ന് പോൺതാരം എമിലി വില്ലീസ് ​അതീവ ഗുരുതരാവസ്ഥയിലെന്ന് റിപ്പോർട്ട്. അമേരിക്കയിലെ കാലിഫോർണിയയിലെ ചികിത്സാ കേന്ദ്രത്തിൽ എമിലി ജീവനോട് പൊരുതുകയാണെന്ന് പിതാവ് പറഞ്ഞു. കഴിഞ്ഞ മാസമാണ് 25കാരിയായ എമിലി വില്ലീസിന് ഹൃദയാഘാതമുണ്ടായത്.

അമിതമായി മയക്കുമരുന്ന് കഴിച്ച സാഹചര്യത്തിലാണ് എമിലിയിലെ ആശുപത്രിയിൽ പ്രവേശിപ്പിച്ചതെന്ന് മാധ്യമങ്ങൾ റിപ്പോർട്ട് ചെയ്യുന്നു. എന്നാൽ ചികിത്സക്കിടെ ഹൃദയാ​ഘാതമുണ്ടാവുകയായിരുന്നു. തുടർന്ന് ആരോ​ഗ്യനില മോശമാവുകയും ആശുപത്രിയിൽ വെച്ച് തന്നെ കോമ സ്റ്റേജിലെത്തുകയുമായിരുന്നു.

എമിലി മരുന്നുകളോട് പ്രതികരിക്കുന്നില്ലെന്നും വെന്റിലേറ്ററിന്റെ സഹായത്തോടെയാണ് ജീവൻ നിലനിർത്തുന്നതെന്നും എമിലിയുടെ കുടുംബം അറിയിച്ചു.

കഴിഞ്ഞ രണ്ടു വർഷമായി പോൺ മേഖലയിൽ നിന്നും വിട്ട് നിൽക്കുകയായിരുന്നു എമിലി വില്ലീസ്.

എന്റർടെയ്ൻമെന്റ് മേഖലയിൽ സജീവമാവുന്നതിനിടെയാണ് അപ്രതീക്ഷിതമായി ഹൃദയാഘാതമുണ്ടാവുന്നത്. സാമൂഹ്യമാധ്യമമായ ഇൻസ്റ്റ​ഗ്രാമിൽ 20ലക്ഷത്തിലധികം ഫോളോവേഴ്സുള്ള പോൺ താരമാണ് എമിലി വില്ലീസ്.

കഴിഞ്ഞ ദിവസം 26കാരിയായ പോൺതാരം സോഫിയ ലിയോണിയെ മരിച്ച നിലയിൽ കണ്ടെത്തിയിരുന്നു. സോഫിയയെ അവരുടെ താമസസ്ഥലത്ത് മരിച്ച നിലയിൽ കണ്ടെത്തുകയായിരുന്നു. മരണ കാരണം വ്യക്തമല്ല.