നായികയല്ല, പ്രതിനായിക; ആദ്യ ഹോളിവുഡ് ചിത്രത്തിൽ നെഗറ്റീവ് വേഷത്തിൽ ആലിയ

ബോളിവുഡിൽ നായികാ വേഷങ്ങൾ ചെയ്ത് ആരാധകരുടെ മനംകവർന്ന ആലിയ ഭട്ട് ഹോളിവുഡിലും ചുവടുറപ്പിക്കാനുള്ള ഒരുക്കത്തിലാണ്.

ഗാൽ ഗാഡോട്ട് പ്രധാന വേഷത്തിലെത്തുന്ന ഹാർട്ട് ഓഫ് സ്റ്റോൺ ആണ് ആലിയയുടെ ആദ്യ ഹോളിവുഡ് ചിത്രം.

നെറ്റ്ഫ്ലിക്സിൽ ഓഗസ്റ്റ് 11 നാണ് ചിത്രം റിലീസ് ചെയ്യുന്നത്. ചിത്രത്തിന്റെ ട്രെയിലർ കഴിഞ്ഞ ദിവസം പുറത്തിറങ്ങിയിരുന്നു. ബ്രസീലിൽ നടന്ന നെറ്റ്ഫ്ലിക്സ് ഇവന്റിലായിരുന്നു ട്രെയിലർ പുറത്തു വിട്ടത്.

ഫിഫ്റ്റീൻ ഷെയ്ഡ്സ് ഓഫ് ഗ്രേ ഫെയിം ജാമി ഡോർനനും ചിത്രത്തിൽ പ്രധാന വേഷത്തിൽ എത്തുന്നുണ്ട്. ആലിയ ഭട്ടിന്റെ ആദ്യ ആക്ഷൻ ചിത്രം മാത്രമല്ല ഹാർട്ട് ഓഫ് സ്റ്റോൺ.

ബോളിവുഡ് നായിക ആദ്യമായി അവതരിപ്പിക്കുന്ന നെഗറ്റീവ് റോൾ കൂടിയാണ് ചിത്രത്തിൽ ആരാധകർ കാണാനിരിക്കുന്നത്. ഏജന്റ് റേച്ചൽ സ്റ്റോൺ എന്ന കഥാപാത്രത്തെയാണ് ഗാൽ അവതരിപ്പിക്കുന്നത്.

ടോം ഹാർപർ ആണ് ചിത്രത്തിന്റെ സംവിധായകൻ.