Animal 2 | കഥയൊക്കെ റെഡിയാണ്; രണ്‍ബീര്‍ കപൂറിന്‍റെ 'അനിമല്‍ 2' ഷൂട്ടിങ് ഈ ദിവസം തുടങ്ങും

ബോക്സ്ഓഫീസില്‍ നിന്ന് നേടിയ വമ്പന്‍ വിജയത്തിന് പിന്നാലെ രണ്‍ബീര്‍ കപൂര്‍ നായകനായ ബോളിവുഡ് ചിത്രം അനിമലിന് രണ്ടാം വരുന്നു എന്ന വാര്‍ത്ത കുറച്ച് നാളുകളായി ഉയര്‍ന്നു കേള്‍ക്കുന്നുണ്ട്.

അര്‍ജുന്‍ റെഡ്ഡി ഫെയിം സന്ദീപ് റെഡ്ഡി വംഗ സംവിധാനം ചെയ്ത ചിത്രത്തിന് തുടര്‍ച്ചയുണ്ടാകും എന്ന് ഉറപ്പിക്കുന്ന ചില റിപ്പോര്‍ട്ടുകള്‍ പുറത്തുവരുന്നുണ്ട്.

അനില്‍ കപൂര്‍, ബോബി ഡിയോള്‍ എന്നിവര്‍ പ്രധാന കഥാപാത്രഘങ്ങളെ അവതരിപ്പിച്ച ചിത്രത്തില്‍ രശ്മിക മന്ദാന, തൃപ്തി ദിമ്രി എന്നിവരായിരുന്നു നായികമാര്‍.

അച്ഛനും മകനും തമ്മിലുള്ള ടോക്സിക് റിലേഷന്‍ഷിപ്പിന്‍റെ കഥ പറഞ്ഞ ചിത്രത്തെ പ്രശംസിച്ചും വിമര്‍സിച്ചും നിരവധി പേര്‍ രംഗത്തുവന്നിരുന്നു.

അമിതമായ വയലന്‍സും സ്ത്രീകളെ മോശമായി ചിത്രീകരിക്കുന്ന രംഗങ്ങളുമാണ് സിനിമക്കെതിരെ ഉയര്‍ന്ന പ്രധാന വിമര്‍ശനം. ബോക്സ്ഓഫീസില്‍ വന്‍ കളക്ഷനാണ് ചിത്രം നേടിയത്. അനിമലിന്‍റെ ഒടിടി പ്രദര്‍ശനം കഴിഞ്ഞ ദിവസം നെറ്റ്ഫ്ലിക്സിലൂടെ ആരംഭിച്ചിരുന്നു. 

റിപ്പോര്‍ട്ടുകള്‍ പ്രകാരം അനിമല്‍ രണ്ടാംഭാഗത്തിന്‍റെ ഏകദേശ കഥ തയാറായി കഴിഞ്ഞു. ഈ വര്‍ഷം പകുതിയോടെ സന്ദീപ് റെഡ്ഡി വംഗ തിരക്കഥാ രചനയിലേക്ക് കടക്കും.

നിതീഷ് തിവാരി ഒരുക്കുന്ന രാമായണത്തിന്‍റെ ചിത്രീകരണത്തിന് ശേഷം 2025ല്‍ രണ്‍ബീര്‍ അനിമല്‍ ടുവില്‍ ജോയിന്‍‍ ചെയ്യും. 

രൺബീറിൻ്റെ രൺവിജയ് എന്ന കഥാപാത്രത്തെയും അദ്ദേഹത്തിൻ്റെ സ്വഭാവത്തെയും കേന്ദ്രീകരിച്ചായിരിക്കും രണ്ടാം ഭാഗം ഒരുങ്ങുക. നായകനും ഭാര്യ ഗീതാഞ്ജലിയും തമ്മിലുള്ള വഴക്കും മകനുമായുള്ള ബന്ധവും കഥ മുന്നോട്ട് കൊണ്ടുപോകുമെന്ന് സിനിമയോട് അടുത്ത വൃത്തങ്ങൾ പറഞ്ഞു.