'നമ്മൾ ഓസ്കറിനു അയക്കുന്നത് തെറ്റായ സിനിമകൾ'; എ.ആർ. റഹ്മാൻ

ഇന്ത്യയ്ക്ക് എന്നും ഓസ്‌കര്‍ പുരസ്‌കാര നേട്ടത്തിലൂടെ അഭിമാനിക്കുന്ന സംഗീതജ്ഞനാണ് എആര്‍ റഹ്മാന്‍. 2009-ലാണ് അദ്ദേഹം ഓസ്‌കര്‍ പുരസ്‌കാരം സ്വന്തമാക്കിയത്. അതിനു ശേഷം വര്‍ഷങ്ങള്‍ക്ക് ഇപ്പുറമാണ് വീണ്ടുമൊരും ഓസ്‌കര്‍ രാജ്യത്തിലേക്ക് എത്തുന്നത്. എന്നാൽ ഈ വർഷത്തെ ഓസ്കാർ പുരസ്കാരങ്ങളിൽ ഇന്ത്യയുടെ അഭിമാന നേട്ടത്തിന് പിന്നാലെ ചർച്ചയായിരിക്കുകയാണ് സംഗീത സംവിധായകൻ എ ആർ റഹ്മാന്റെ വാക്കുകൾ.

ഓസ്കർ പുരസ്‌കാരത്തിനായി ഇന്ത്യയിൽ നിന്ന് തെറ്റായ ചിത്രങ്ങൾ ആണ് അയക്കുന്നത് എന്നായിരുന്നു അദ്ദേഹത്തിന്റെ വാക്ക് തെറ്റായ ചിത്രങ്ങള്‍ അയക്കുന്നതിനാല്‍ അത് നോമിനിഷനില്‍ കയറുകയോ പുരസ്‌കാരം നേടുകയോ ചെയ്യുന്നില്ല എന്നും അദ്ദേഹം പറയുന്നു.

ഇത്തരത്തിൽ ഓസ്കറിനായുള്ള ചിത്രങ്ങൾ തിരഞ്ഞെടുക്കുമ്പോൾ പാശ്ചാത്യരായി നിന്നുവേണം അവിടത്തെ കാര്യങ്ങള്‍ മനസിലാക്കാനെന്നും റഹ്മാന്‍ കൂട്ടിച്ചേര്‍ത്തു. പ്രശസ്ത സംഗീതജ്ഞന്‍ എല്‍ സുബ്രഹ്മണ്യനുമായുള്ള സംസാരത്തിലായിരുന്നു തുറന്നു പറച്ചില്‍.

പുതിയ സാങ്കേതിക വിദ്യകൾ വന്നതോടെ എങ്ങനെയാണ് താൻ സംഗീതം ചിട്ടപ്പെടുത്തുന്ന രീതികള്‍ മാറ്റിയതെന്നും അദ്ദേഹം പറയുന്നു.

നമ്മുടെ സിനിമകള്‍ ഓസ്‌കറിന് പോകാറുണ്ട് പക്ഷേ ലഭിക്കാറില്ല. ഓസ്‌കറിന് തെറ്റായ ചിത്രങ്ങള്‍ അയക്കുന്നതുകൊണ്ടാണ് അത്. അങ്ങനെ ചെയ്യരുതെന്നും അദ്ദേഹം പറയുന്നു.