'2018' വിജയാഘോഷം; ആസിഫിനൊപ്പം പങ്കു ചേർന്ന് ബിജു മേനോനും ദിലീഷ് പോത്തനും

റിലീസ് ദിനം മുതൽ മികച്ച അഭിപ്രായം സ്വന്തമാക്കിയ '2018' സിനിമ പ്രദ‍ർശനം തുടരുകയാണ്. ആദ്യദിവസം തന്നെ മികച്ച പ്രതികരണമായിരുന്നു ചിത്രത്തിന് ലഭിച്ചത്.

ചിത്രത്തിന്റെ വിജയം ആസിഫ് അലിയുടെ പുതിയ ചിത്രത്തിന്റെ ലൊക്കേഷനിൽ ആഘോഷിച്ചിരിക്കുകയാണ്.

അരുൺ നാരായൺ പ്രൊഡക്ഷൻസ് ഇൻ അസ്റ്റോസിയേഷൻ വിത്ത് ലണ്ടൻ സ്റ്റുഡിയോസിന്റെ ബാനറിൽ അരുൺ നാരായൺ ,സിജോ സെബാസ്റ്റ്യൻ എന്നിവർ നിർമ്മാണവും ജിസ് ജോയ് സംവിധാനവും നിർവഹിക്കുന്ന ത്രില്ലർ ചിത്രത്തിന്റെ ലൊക്കേഷനിലാണ് വിജയാഘോഷം സംഘടിപ്പിച്ചത്.

ജിസ് ജോയ് ചിത്രത്തിലെ മറ്റൊരു നായകനായ ബിജു മേനോനും ദിലീഷ് പോത്തനും സംവിധായകൻ ജിസ് ജോയും ആഘോഷത്തിൽ പങ്കെടുത്തു. 

കേരള ജനത ഒറ്റക്കെട്ടായി നിന്ന് അതിജീവിച്ച 2018ലെ മഹാപ്രളയം പ്രമേയമാക്കി ജൂഡ് ആന്‍റണി ജോസഫ് സംവിധാനം ചെയ്ത ചിത്രമാണ് ‘2018 എവരിവണ്‍ ഈസ് എ ഹീറോ’.

ചിത്രത്തിൽ ടോവിനോ തോമസ്, കുഞ്ചാക്കോ ബോബൻ, ആസിഫ് അലി, വിനീത് ശ്രീനിവാസൻ, അപർണ ബാലമുരളി, നരേൻ, സിദ്ദിഖ് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.