ഇതും ഒരു സിനിമാ നടന്റെ വീടാണ്; പുതിയ വീട് സ്വപ്നം കണ്ട് നടൻ ബിനീഷ് ബാസ്റ്റിൻ

ടീമേ എന്ന വിളി ബിനീഷ് ബാസ്റ്റിന്റെ ആരാധകർക്ക് പരിചയമുണ്ട്. എന്ത് പറയാനുണ്ടങ്കിലും ഈ വിളി വിളിച്ചിട്ടേ ബിനീഷ് പറയൂ. ഇന്നിപ്പോ ബിനീഷ് അങ്ങനെ വിളിക്കുന്നത് തന്റെ ആരുമറിയാത്ത സങ്കടവും സ്വപ്നവും ലക്ഷ്യവും ചേർന്നൊരു കാര്യം പറയാനാണ്. തന്റെ വീടിനെ പറ്റി ബിനീഷ് ഹെലോ അക്കൗണ്ടിൽ പറയുന്നു. പോസ്റ്റ് വായിക്കാം

എന്റെ നാട്ടിലിനി പൊളിച്ചു പണിയാൻ എന്റെ വീട് മാത്രമേയുള്ളൂ. പുതിയ വീട് വയ്ക്കാനുള്ള തയാറെടുപ്പിലാണ്...

ഇതുവരെ ലോൺ എടുക്കാതെയാണ് സാധനങ്ങൾ മേടിച്ചിട്ടുള്ളത്. വീടും ലോണെടുക്കാതെ പണിയാനാണ് ആഗ്രഹം. ഇനിയുള്ള ലക്‌ഷ്യം ഇതാണ്. ലക്ഷ്യത്തിനടുത്തെത്തിക്കഴിഞ്ഞു...

ഇതാണ് ബിനീഷ് ബാസ്റ്റിന്റെ പോസ്റ്റ്

ബിനീഷ് നായകനാവുന്ന ചിത്രം 2019 നവംബറിൽ പ്രഖ്യാപിച്ചിരുന്നു. സാബു അന്തിക്കായി സംവിധാനം ചെയ്യുന്ന 'കർത്താവ്' എന്ന ചിത്രത്തിലാണ് ബിനീഷ് നായകനായി എത്തുന്നത്. ചിത്രത്തിൻറെ കഥയും തിരക്കഥയും ഒരുക്കിയിരിക്കുന്നതും സാബു അന്തിക്കായി തന്നെയാണ്. സിനിമയിലെ സഹസംവിധായകന്‍റെ ജീവിതമാണ് ചിത്രത്തിലെ പ്രമേയം

കഴിഞ്ഞ വർഷം ബിനീഷ് ബാസ്റ്റിൻ മുഖ്യാതിഥിയായി എത്തുന്ന വേദിയിൽ പങ്കെടുക്കുന്നതിനെ ചൊല്ലി സംവിധായകൻ അനിൽ രാധാകൃഷ്ണൻ മേനോനും കൂടി ഉൾപ്പെട്ട തർക്കവിഷയം വിവാദമായിരുന്നു. പാലക്കാട് സർക്കാർ മെഡിക്കൽ കോളജിൽ നടന്ന കോളജ് ഡേ ചടങ്ങിനിടെ ബിനീഷ് കുത്തിയിരുന്നു പ്രതിഷേധിച്ചിരുന്നു