30 Years of Shah Rukh Khan| സിനിമയിൽ 30 വർഷം പൂർത്തിയാക്കി ബോളിവുഡിന്റെ ബാദ്ഷാ; ആഘോഷമാക്കി ആരാധകർ

ബോളിവുഡിന് ഒരേയൊരു ബാദ്ഷാ മാത്രമേ ഉള്ളൂ, ബോളിവുഡിന്റെ കിംഗ് ഖാൻ എന്ന് ആരാധകർ വിളിക്കുന്ന സാക്ഷാൽ ഷാരൂഖ് ഖാൻ(Shah Rukh Khan). ഇന്ത്യൻ സിനിമ എന്നാൽ ഷാരൂഖ് ഖാൻ എന്ന് ലോകം മുഴുവൻ അറിയപ്പെട്ടിരുന്ന കാലമുണ്ടായിരുന്നു.

ബോളിവുഡിൽ ഷാരൂഖ് ഖാൻ പിറന്നിട്ട് ഇന്ന് മുപ്പത് വർഷം തികയുകയാണ്. 1992 ലായിരുന്നു ബോളിവുഡിന് അതുവരെ അപരിചതമായ ഊർജവും അഭിനയവുമായി ഷാരൂഖ് ഖാൻ എന്ന നടൻ അവതരിക്കുന്നത്.

ഇന്നത്തെപ്പോലെ അന്നും നെപ്പോട്ടിസത്തിന്റെ പിടിയിൽ തന്നെയായിരുന്നു ബോളിവുഡ്. കപൂർ കുടുബത്തിന്റെ ആധിപത്യം ശക്തമായിരുന്ന സമയത്താണ് ഷാരൂഖ് ചുവടുറപ്പിച്ചത്.

സ്വന്തം പ്രയത്നത്താലാണ് ഇന്ന് കാണുന്ന ബോളിവുഡ് കിംഗ് ഖാൻ എന്ന പദവിയിലേക്ക് ഷാരൂഖ് ഖാൻ എത്തുന്നത്. അതിനാലാണ് ഷാരൂഖ് ഖാൻ എന്നത് തങ്ങൾക്ക് ഒരു നടൻ മാത്രമല്ല, പ്രചോദനവും സ്വപ്നവുമാണെന്ന് ആരാധകർ പറയുന്നതും.

ബോളിവുഡിൽ ഷാരൂഖ് ഖാൻ മൂന്ന് പതിറ്റാണ്ട് പൂർത്തിയാക്കുന്നത് ആഘോഷിക്കുകയാണ് ആരാധകർ. ട്വിറ്ററിലും ഷാരൂഖ് വൈറലാണ്.

സീരിയലുകളിലൂടയാണ് ഷാരൂഖ് ബോളിവുഡിലെത്തുന്നത്. 1992 ൽ ഇറങ്ങിയ ദീവാന എന്ന ചിത്രമാണ് അദ്ദേഹത്തിന്റെ ആദ്യ ബോളിവുഡ് ചിത്രം. തൊട്ടുത്ത വർഷം പുറത്തിറങ്ങിയ ബാസിഗർ ആണ് വഴിത്തിരിവായത്. വില്ലൻ ഭാവത്തിലെത്തിയ ബാസിഗറിലെ കഥാപാത്രത്തിന് നിരവധി ആരാധകരെ സ്വന്തമാക്കാനായി.