Tiger 3| സൽമാൻ ഖാന് പ്രതിഫലം 100 കോടി; നായിക കത്രീനയുടെ പ്രതിഫലം 15 കോടി രൂപ!

സൽമാൻ ഖാൻ നായകനായ ടൈഗർ 3 ബോക്സ് ഓഫീസിൽ തരംഗം സൃഷ്ടിച്ച് മുന്നേറുകയാണ്. രണ്ട് ദിവസത്തിനുള്ളിൽ ചിത്രം നൂറ് കോടി ക്ലബ്ബിൽ ഇടം നേടി. മനീഷ് ശർമ സംവിധാനം ചെയ്യുന്ന ചിത്രത്തിൽ കത്രീന കൈഫ് ആണ് നായിക.

ഇമ്രാൻ ഹാഷ്മിയാണ് ചിത്രത്തിൽ വില്ലൻ കഥാപാത്രത്തെ അവതരിപ്പിക്കുന്നത്. ഇമ്രാൻ ഹാഷ്മിയുടെ ഇതുവരെ കാണാത്ത അവതാരമാണ് ടൈഗർ 3 യിൽ പ്രേക്ഷകർ കാണുന്നത്.

ആക്ഷൻ രംഗങ്ങളാൽ സമ്പന്നമാണ് ടൈഗർ 3. കത്രീന കൈഫിന്റെ ആക്ഷൻ രംഗങ്ങൾ ഇതിനകം സോഷ്യൽമീഡിയയിൽ വലിയ ചർച്ചയായിട്ടുണ്ട്.

ചിത്രത്തിൽ താരങ്ങളുടെ പ്രതിഫലവും ഇതിനകം ചർച്ചയാണ്. ഏറ്റവും കൂടുതൽ പ്രതിഫലം വാങ്ങുന്നത് സൽമാൻ ഖാൻ തന്നെയാണ്. നൂറ് കോടിയാണ് ചിത്രത്തിൽ സൽമാന്റെ പ്രതിഫലം എന്നാണ് റിപ്പോർട്ടുകൾ.

അതേസമയം, നായിക കത്രീന കൈഫിന്റെ പ്രതിഫലം എത്രയാണെന്നതിൽ ഔദ്യോഗിക റിപ്പോർട്ടുകൾ ഇല്ല. എന്നാൽ ഐഎംഡിബി റിപ്പോർട്ട് അനുസരിച്ച് കത്രീനയുടെ ഒരു ചിത്രത്തിന്റെ പ്രതിഫലം 15 കോടിക്കും 21 കോടിക്കും ഇടയിലാണ്.

അതിനാൽ ഇതിനിടയിലുള്ള തുകയാണ് താരത്തിന്റെ പ്രതിഫലമെന്നാണ് റിപ്പോർട്ടുകൾ. നിലവിൽ ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന നായികമാരിൽ ഒരാളാണ് കത്രീന കൈഫ്.

ദീപിക പദുകോൺ, ആലിയ ഭട്ട്, കത്രീന കൈഫ് എന്നിവരാണ് ബോളിവുഡിൽ ഏറ്റവും കൂടുതൽ പ്രതിഫലം വാങ്ങുന്ന നായികമാർ. മൂന്ന് പേരുടേയും പ്രതിഫലം 15 കോടിക്ക് മുകളിലാണ്.

വില്ലൻ കഥാപാത്രമായി എത്തിയ ഇമ്രാൻ ഹാഷ്മിയുടെ പ്രതിഫലം 8 കോടി രൂപയാണ്.