വെറെ വഴിയില്ല സഹിച്ചേ പറ്റു ! വിനയ് ഫോർട്ടിന്റെ പുതിയ ലുക്ക് ഏത് സിനിമയിലേത് ?

ഒരൊറ്റ ലുക്ക് കൊണ്ട് ഒരു സിനിമയ്ക്കും കഥാപാത്രത്തിനും അടുത്തകാലത്തൊന്നു ഇമ്മാതിരി ഹൈപ്പ് കിട്ടികാണില്ല. നിവിന്‍ പോളി ചിത്രം 'രാമചന്ദ്ര ബോസ് ആന്‍ഡ് കോ' എന്ന സിനിമയുടെ പ്രസ് മീറ്റിനെത്തിയ വിനയ് ഫോര്‍ട്ടിന്‍റെ ലുക്കാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ച

ഓണത്തിന് തിയേറ്ററിലെത്തുന്ന ചിത്രത്തില്‍ നിവിന്‍ പോളിക്കൊപ്പം ഒരു പ്രധാനവേഷത്തിലെത്തുന്ന വിനയ് ഫോര്‍ട്ടിന്‍റ ഈ ലുക്ക് ഏത് സിനിമയ്ക്ക് വേണ്ടിയാണ് എന്നതാണ് ആരാധകര്‍ക്ക് ഇടയിലെ സംസാര വിഷയം.

പ്രസ് മീറ്റിനിടെ ഇക്കാര്യം ചോദിച്ചാളോട് ഇതിനുള്ള മറുപടിയും വിനയ് ഫോര്‍ട്ട് നല്‍കി. അപ്പന്‍ സിനിമയുടെ സംവിധായകനായ മജുവിൻ്റെ പുതിയ ചിത്രത്തിന് വേണ്ടിയുള്ള ലുക്കാണ് ഇതെന്നാണ് വിനയ് ഫോർട്ട് പറഞ്ഞത്.

‘അപ്പന്‍ സിനിമയുടെ സംവിധായകനായ മജുവിൻ്റെ പുതിയ ചിത്രത്തിന് വേണ്ടിയുള്ള ലുക്കാണിത്. ആ സിനിമയില്‍ ഞാന്‍ അഭിനയിച്ചുകൊണ്ടിരിക്കുകയാണ് ഞാന്‍. ഭയങ്കര ഇന്‍ട്രസ്റ്റിങ് ആയിട്ടുള്ള സിനിമയാണത്. ഇന്ററസ്റ്റിങ് ആയിട്ടുള്ള കഥാപാത്രവുമാണ്.അതുകൊണ്ടാണ് ഈ കോലത്തില്‍ എത്തിയത്’

‘ഞാന്‍ ഒരുപാട് പറഞ്ഞുനോക്കി, ഇത് വടിച്ചിട്ട് വെപ്പുമീശ വെക്കാം എന്നൊക്കെ. പക്ഷേ പുള്ളി സമ്മതിച്ചില്ല. എന്റെ അടുത്ത സുഹൃത്തായതുകൊണ്ട് വേറെ നിവൃത്തിയുമില്ല. സിനിമ സെപ്റ്റംബര്‍ പകുതിയാകുമ്പോഴേക്കും കഴിയാം. അതുവരെ ഈ രൂപത്തില്‍ തന്നെ നടക്കേണ്ടി വരും. ഒന്നും ചെയ്യാന്‍ പറ്റില്ല,’ വിനയ് പറഞ്ഞു

അതേസമയം, വിനയ് ഫോര്‍ട്ടിന്‍റെ ഈ ലുക്ക് ട്രോളന്മാരും ഏറ്റെടുത്ത് കഴിഞ്ഞു.ചെറിയ കട്ടിമീശയും കണ്ണടയും വെച്ച് റെഡ് ടീഷർട്ട് ധരിച്ചെത്തിയ താരം ഇപ്പോൾ ട്രോളുകളിലും മീമുകളിലും നിറഞ്ഞ് നിൽക്കുകയാണ്.

സിനിമകളിലെ പല കഥാപാത്രങ്ങളുമായി വിനയ് ഫോര്‍ട്ടിന്‍റെ ലുക്ക് താരതമ്യം ചെയ്ത് കൊണ്ടുള്ള ട്രോളുകള്‍ സോഷ്യല്‍ മീഡിയയില്‍ നിറഞ്ഞുകഴിഞ്ഞു. ഇതില്‍ ചിലത് വിനയ് തന്നെ ഇന്‍സ്റ്റഗ്രാമിലൂടെ പങ്കുവെച്ചിട്ടുണ്ട്.

ചാർളി ചാപ്ലിന് പുറമേ ജഗതിയുടെ ഉമ്മൻ കോശി, വിജയരാഘവൻ്റെ അലാവുദ്ദീൻ റാവുത്തർ, ഈ പറക്കും തളികയിലെ കല്യാണചെക്കൻ അങ്ങനെ ഒരു നിര നീണ്ട നിര തന്നെ ഉണ്ട്.