Onam 2023| മലയാളിമങ്കയായി മാമാങ്കം നായിക പ്രാചി തെഹ്‌ലാൻ; വൈറലായി ചിത്രങ്ങൾ

മാമാങ്കം സിനിമയിലൂടെ മലയാളിക്ക് പ്രിയങ്കരിയായ താരമാണ് നടി പ്രാചി തെഹ്ലാന്‍. 

കേരളത്തെയും മലയാളികളെയൊന്നാകെയും ഇഷ്ടമാണെന്നും അതിനാലാണ് കൊച്ചിയിലേക്ക് മാറിയതെന്നും പ്രാചി ന്യൂസ് 18നോട് പറഞ്ഞു.

ഇപ്പോള്‍  ഓണക്കാലമായതോടെ മലയാളി പെണ്ണായി മാറിയിരിക്കുകയാണ് നടി.

താരത്തിന്റെ പുത്തൻ ഫോട്ടോഷൂട്ട് ചിത്രങ്ങളായി സോഷ്യൽ മീഡിയ ഏറ്റെടുത്തിരിക്കുന്നത്.

പാവാടയും ബ്ലൗസുമണിഞ്ഞ് മലയാളി ലുക്കിൽ അതീവ സുന്ദരിയായാണ് പ്രാചി വന്നിരിക്കുന്നത്.

ഡിസൈനുകളുള്ള വെള്ള പാവാടയും അതിനൊപ്പം പച്ച കളർ ടോപ്പുമാണ് താരം ധരിച്ചിരിക്കുന്നത്.

ട്രെഡീഷണൽ ആഭരണങ്ങളും കൂടുതൽ ഭംഗി നൽകുന്നുണ്ട്.

എങ്ങും കേരളത്തനിമ നിറഞ്ഞു നിൽക്കുന്ന ചിത്രങ്ങളാണ് താരം പങ്കുവച്ചിരിക്കുന്നത്.

കായലിന്റെ ഭംഗിയും കഥകളിയുടെ മേളവും തറവാടിന്റെ മനോഹാരിതയും ചിത്രങ്ങൾക്ക് പശ്ചാത്തലമായിട്ടുണ്ട്.

മാമാങ്കം സിനിമയിലെ 'മൂക്കൂത്തി' പാട്ടിലൂടെയാണ് താരം മലയാളികളുടെ ഹ്യദയം കവർന്നത്.