ദൃശ്യം 2 ആയുർവേദ ചികിത്സയ്ക്ക് ശേഷം മാത്രം; മോഹൻലാലിൻറെ പുതിയ ചിത്രങ്ങൾ വൈറൽ

ഇന്ന് ചിത്രീകരണം ആരംഭിക്കുമെന്ന് പ്രതീക്ഷിച്ച മോഹൻലാൽ ചിത്രം ദൃശ്യം രണ്ട്‌, താരത്തിന്റെ ആയുർവേദ ചികിത്സക്ക് ശേഷം മാത്രമേ ആരംഭിക്കൂ എന്ന വാർത്ത പുറത്തു വന്നിരിക്കുകയാണ്. അതിനിടെ മോഹൻലാലിൻറെ പുതിയ ചിത്രങ്ങൾ സോഷ്യൽ മീഡിയയിൽ തരംഗമാവുകയാണ്

സ്ഥലം എവിടെ എന്ന് വ്യക്തമാകാത്ത തരത്തിലെ ചിത്രങ്ങളാണ് സോഷ്യൽ മീഡിയ സൈറ്റുകളിൽ പ്രചരിക്കുന്നത്

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രം ഇനി സെപ്റ്റംബർ അവസാന വാരമോ ഒക്ടോബർ ആദ്യ വാരമോ ഷൂട്ടിംഗ് ആരംഭിക്കും എന്നാണ് ഇപ്പോൾ കിട്ടുന്ന വിവരം

മോഹൻലാലിൻറെ നായികയായി മീനയും, മക്കളായി അൻസിബ ഹസനും എസ്തർ അനിലും തന്നെയാവും വേഷമിടുക. കോവിഡ് പശ്ചാത്തലത്തിൽ ചിത്രീകരണകാലമത്രയും മോഹൻലാലും മീനയും പുറംലോകവുമായി ഇടപെടാത്ത രീതിയിലാകും തങ്ങുക

ചലച്ചിത്ര നിർമ്മാണ മേഖലയുടെ പ്രതിസന്ധി കണക്കിലെടുത്ത് സംവിധായകൻ ജീത്തു ജോസഫ് സ്വന്തം പ്രതിഫല തുക വെട്ടിക്കുറച്ചിരുന്നു

സോഷ്യൽ മീഡിയയിൽ പ്രചരിക്കുന്ന ദൃശ്യം 2ലെ മോഹൻലാലിൻറെ ഫാൻ മെയ്ഡ് ചിത്രം