'വാട്ട് യൂ മീന്‍, ക്രമക്കേട് എന്താണെന്ന് ഒന്ന് പറഞ്ഞേ'; വയനാട് ഫണ്ട് ചോദ്യത്തോട് പൊട്ടിത്തെറിച്ച് കെപിസിസി പ്രസിഡന്‍റ് സണ്ണി ജോസഫ്

തിരുവനന്തപുരം: വയനാട് പുനരധിവാസ ഫണ്ട് വിനിയോഗവുമായി ബന്ധപ്പെട്ട മാധ്യമപ്രവർത്തന്റെ ചോദ്യങ്ങളോട് രൂക്ഷമായ ഭാഷയിൽ പ്രതികരിച്ച് കെപിസിസി പ്രസിഡന്റ് സണ്ണി ജോസഫ്. പുനരധിവാസത്തിനായി പിരിച്ചെടുത്ത തുകയുമായി ബന്ധപ്പെട്ട ക്രമക്കേടുകളെക്കുറിച്ചുള്ള ചോദ്യമാണ് സണ്ണി ജോസഫിനെ പ്രകോപിപ്പിച്ചത്. ചോദ്യം ഉന്നയിച്ച മാധ്യമപ്രവർത്തകനോട് 'വാട്ട് യു മീൻ' എന്ന് ചോദിച്ച അദ്ദേഹം മറുപടി പറയാൻ അനുവദിക്കാതെ തട്ടിക്കയറുകയായിരുന്നു.