Ranbir Kapoor | പുല്ലുപോലല്ലേ കോടിക്കണക്കിന് രൂപ വേണ്ടെന്ന് വച്ചത്! രൺബീർ കപൂർ പുതിയ സിനിമയ്ക്കായി എടുത്ത തീരുമാനം

വന്യത മുറ്റിനിൽക്കുന്ന 'അനിമൽ' (Animal movie) ടീസർ സോഷ്യൽ മീഡിയയിൽ വളരെയേറെ ശ്രദ്ധ പിടിച്ചുപറ്റിയിരുന്നു. റിലീസ് ചെയ്ത് രണ്ടാം ദിവസവും വീഡിയോ ട്രെൻഡിങ് പട്ടികയിൽ ഇടം നേടി. ഇതുവരെ ചെയ്യാത്ത തരം വേഷമാണ് രൺബീർ കപൂർ (Ranbir Kapoor) ഈ സിനിമയ്ക്കായി കൈകാര്യം ചെയ്യുന്നത്. ഇത് രൺബീറിന്റെ കരിയർ ബെസ്റ്റ് പ്രകടനമാകും എന്നാണ് പലരും പ്രതീക്ഷിക്കുന്നത്

ഓരോ സിനിമയ്ക്കും പ്രതിഫലം കോടികൾ ഉയർത്തുന്ന താരങ്ങൾക്കിടയിൽ രൺബീർ വ്യത്യസ്തനാണ്. പുതിയ സിനിമയ്ക്കായി രൺബീർ കൈക്കൊണ്ട തീരുമാനം പലരെയും ഞെട്ടിച്ചു കഴിഞ്ഞു. കോടികൾ പുല്ലുപോലെ വേണ്ടെന്ന് വച്ച നടനായി മാറിക്കഴിഞ്ഞു രൺബീർ (തുടർന്ന് വായിക്കുക)

ഭൂഷൺ കുമാർ, സന്ദീപ് റെഡ്‌ഡി വാങ്ക എന്നിവർ ചേർന്ന് നിർമിക്കുന്ന ചിത്രമാണ് 'അനിമൽ'. രൺബീർ ആകട്ടെ, ഇന്നത്തെ മാർക്കറ്റ് മൂല്യം അനുസരിച്ച് ഒരു സിനിമയ്ക്ക് 70 കോടി രൂപ പ്രതിഫലം കൈപ്പറ്റുന്ന താരവും. എന്നിട്ടും രൺബീർ എടുത്ത തീരുമാനമാണ് ഇപ്പോഴത്തെ ചർച്ചാവിഷയം

തന്റെ പ്രതിഫലം നേർപകുതിയായി കുറിച്ചിരിക്കുകയാണ് രൺബീർ. ഈ സിനിമയ്ക്കായി നടൻ 30-35 കോടി രൂപയാണ് പ്രതിഫലമായി ഈടാക്കിയത്. സിനിമയുടെ ക്വാളിറ്റി മെച്ചപ്പെടുത്താനാകും രൺബീർ ബാക്കി തുക പ്രയോജനപ്പെടുത്തുക

സിനിമയുടെ ലാഭത്തിന്റെ ഒരു പങ്കും രൺബീറിനുള്ളതാകും. സന്ദീപിന്റെ ചിത്രം, 'തു ജൂത്തീ മെയ്ൻ മക്കർ' സിനിമകൾക്ക് ശേഷം ഇക്കൊല്ലം ഇറങ്ങുന്ന രൺബീർ കപൂർ ചിത്രമാകും ഇത്. രശ്‌മിക മന്ദാന, അനിൽ കപൂർ, ബോബി ഡിയോൾ എന്നിവരാണ് മറ്റഭിനേതാക്കൾ

ഓഗസ്റ്റ് മാസം റിലീസ് ചെയ്യാനിരുന്ന ചിത്രമാണ് 'അനിമൽ'. എന്നാലിത് സണ്ണി ഡിയോളിന്റെ 'ഗദ്ദർ 2', അക്ഷയ് കുമാറിന്റെ 'OMG 2', രജനികാന്തിന്റെ ജെയ്‌ലർ സിനിമകളുമായി ബോക്സ് ഓഫീസിൽ ഏറ്റുമുട്ടുന്നത് ഒഴിവാക്കുകയായിരുന്നു

എന്നാൽ ക്വാളിറ്റി മെച്ചപ്പെടുത്താൻ വേണ്ടിയാണ് റിലീസ് മാറ്റിയത് എന്നാണ് അണിയറപ്രവർത്തകരുടെ വിശദീകരണം. ചിത്രത്തിൽ മൊത്തം ഏഴു ഗാനങ്ങളുണ്ട്. അത് പ്രതീക്ഷിച്ചതിലും കൂടുതൽ സമയം എടുത്തു എന്നായിരുന്നു പ്രതികരണം