Leo Day 3 | കേറിവാടാ മോനേ; മൂന്നു ദിവസം കൊണ്ട് വിജയ് ചിത്രം 'ലിയോ' ബോക്സ് ഓഫീസിൽ വാരിക്കൂട്ടിയ കണക്ക് പുറത്ത്

നല്ല വാർത്തയാണ് വിജയ് (Thalapathy Vijay) ചിത്രം 'ലിയോ'യിൽ (Leo) നിന്നും മൂന്നാം ദിനം പുറത്തുവരുന്നത്. രണ്ട് ദിവസം കൊണ്ട് ഇന്ത്യയിൽ നിന്നും മാത്രം 100 കോടി രൂപ ബോക്സ് ഓഫീസ് ഇനത്തിൽ കളക്റ്റ് ചെയ്ത ചിത്രമായിരുന്നു 'ലിയോ'. മൊത്തം കളക്ഷൻ 140 കോടി എന്നായിരുന്നു ട്രേയ്ഡ് അനലിസ്റ്റുമാരുടെ കണ്ടെത്തൽ. രണ്ടാം ദിവസം പക്ഷേ കളക്ഷൻ അത്രകണ്ട് മെച്ചപ്പെട്ടില്ല

ലോകേഷ് കനകരാജ് സംവിധാനം ചെയ്ത ലിയോയിൽ സഞ്ജയ് ദത്ത്, തൃഷ കൃഷ്ണൻ, അർജുൻ സർജ, മിഷ്‌കിൻ, സാൻഡി, ഗൗതം മേനോൻ എന്നിവരും അഭിനയിക്കുന്നു. തമിഴ്, തെലുങ്ക്, മലയാളം, കന്നഡ, ഹിന്ദി എന്നിങ്ങനെ ഒന്നിലധികം ഭാഷകളിൽ ഇത് പുറത്തിറങ്ങി. തമിഴിൽ ലിയോയ്ക്ക് ശനിയാഴ്ച 76.25% തിയേറ്റർ ഒക്കുപൻസി ഉണ്ടായിരുന്നു (തുടർന്ന് വായിക്കുക)

ട്രേഡ് അനലിസ്റ്റ് രമേഷ് ബാലയുടെ അഭിപ്രായത്തിൽ, ബുധനാഴ്ച അരങ്ങേറ്റം കുറിച്ച ലിയോ ശനിയാഴ്ച യുഎസ് ബോക്സ് ഓഫീസിൽ കളക്ഷനിൽ ഇടിവ് നേരിട്ടു. യു‌എസ്‌എയിൽ വിജയ്‌ക്കും സംവിധായകൻ ലോകേഷിനും ഏറ്റവും കൂടുതൽ വരുമാനം നേടിയ ചിത്രമാണ് 'ലിയോ'

എക്കാലത്തെയും ഏറ്റവും കൂടുതൽ കളക്ഷൻ നേടിയ ഏഴാമത്തെ കോളിവുഡ് ചിത്രമാണ് 'ലിയോ'. സാക്നിൽക് റിപ്പോർട്ട് അനുസരിച്ച് ചിത്രം ആഗോളതലത്തിൽ 212 കോടി രൂപ നേടി

44.5 കോടി നേടിയ രജനികാന്തിന്റെ ജയിലറിനെ മറികടന്ന് ലിയോ അതിന്റെ ആദ്യ ദിനം ഇന്ത്യയിൽ 64 കോടി രൂപ സമാഹരിച്ചിരുന്നു. എന്നിരുന്നാലും, രണ്ടാം ദിനം അത്ര ശക്തമായിരുന്നില്ല. കളക്ഷൻ 35 കോടിയായി കുറഞ്ഞു; 45% ഇടിവ്

വിജയ്‌യുടെ തട്ടകമായ തമിഴ്‌നാട്ടിൽ ചിത്രം മികച്ച പ്രകടനമാണ് നടത്തുന്നത്. തമിഴ്നാട്ടിൽ മൂന്നാം ദിനം 26 കോടി രൂപയാണ് കളക്ഷൻ നേടിയത്. കേരളത്തിൽ നിന്ന് 7 കോടിയും ആന്ധ്രാപ്രദേശ്/തെലങ്കാന മേഖലകളിൽ നിന്ന് 5 കോടിയും കർണാടകയിൽ നിന്ന് 5.50 കോടിയുമായി മറ്റ് മേഖലകളിലും ലിയോ മികച്ച വരുമാനം നേടുന്നു

ലോകമെമ്പാടുമായി 600 കോടിയിലധികം കളക്ഷൻ നേടിയ രജനികാന്തിന്റെ ജയിലറിനെ മറികടക്കാൻ ലിയോയ്ക്ക് കഴിയുമോ എന്ന് കണ്ടറിയണം