പിണറായി വിജയനും ഭാര്യക്കുമൊപ്പമുള്ള ചിത്രവുമായി പേളി; പോസ്റ്റിന് പിന്നിലെ കാരണമിങ്ങനെ

മുഖ്യമന്ത്രി പിണറായി വിജയനും പത്നി കമലക്കുമൊപ്പം പുഞ്ചിരി തൂകിയുള്ള ചിത്രവുമായി പേളി മാണി ഇൻസ്റ്റാഗ്രാമിൽ

എപ്പോഴും സ്വന്തം ചിത്രങ്ങളും, ശ്രീനിഷിനൊപ്പമുള്ള നേരവും, കുടുംബത്തോടും കൂട്ടുകാർക്കുമൊപ്പമുള്ള നിമിഷങ്ങളെയും പറ്റി ഇൻസ്റ്റാഗ്രാമിൽ വാചാലയാവുന്ന പേളി ആദ്യമായാണ് തന്റെ രാഷ്ട്രീയ നിരീക്ഷണം നടത്താൻ ഇവിടം വേദിയാക്കുന്നത്

ഒരു പൊതുപരിപാടിക്കിടെ സദസ്സിൽ ഇരിക്കുന്ന പിണറായിക്കും കമലക്കുമൊപ്പമാണ് പേളി. ആ ഒത്തുചേരലിന്റെ സന്തോഷം പേളിയുടെ മാത്രമല്ല, മൂവരുടെയും മുഖത്തും തെളിഞ്ഞു കാണാം

ഈ ഫോട്ടോ പോസ്റ്റ് ചെയ്ത പേളിക്ക് ആരാധകരുടെ പക്കൽ നിന്നും മികച്ച അഭിനന്ദനമാണ് കമന്റിൽ ലഭിക്കുന്നത്. പേളിയോടുള്ള ഇഷ്‌ടം കൂടിയോ എന്ന് തോന്നിക്കുന്ന വിധമാണ് ആരാധകരുടെ പ്രതികരണം

മികച്ച പ്രതികരണങ്ങൾക്ക് നടുവിൽ ഒരു ആരാധകൻ ഈ ഫോട്ടോ ഇപ്പോൾ പോസ്റ്റ് ചെയ്യാനുള്ള കാരണം പേളിയോട് തിരക്കുന്നുണ്ട്. "നിലവിലെ കേരളത്തിന്റെ അവസ്ഥയെ ശക്തമായി നേരിടുന്നതിനുള്ള അഭിനന്ദനമാണോ ചേച്ചീ?" എന്ന് ചോദ്യം. അതിന് പേളി മറുപടി നൽകുന്നുമുണ്ട്

'അതെ' എന്ന മറുപടിയോടൊപ്പം അവരോടുള്ള സ്നേഹവും പേളി രേഖപ്പെടുത്തുന്നു