K G George | കെ. ജി. ജോർജിനെ കുറിച്ചുള്ള ഡോക്യുമെന്ററി; പ്രദർശനാവകാശത്തിന്റെ പങ്ക് കൈമാറി നിർമ്മാതാവ് ഷിബു ജി. സുശീലൻ

ഉൾക്കടലും, മേളയും, യവനികയും പഞ്ചവടിപ്പാലവും ഒക്കെ മലയാളിക്ക് സമ്മാനിച്ച സംവിധായകൻ കെ.ജി. ജോർജിന്റെ ജീവിതം ഡോക്യുമെന്ററിയാവുന്നു. ലിജിൻ ജോസ് സംവിധാനം ചെയ്ത് ചിത്രം ഷിബു ജി. സുശീലൻ നിർമ്മിക്കുന്നു. ചിത്രത്തിന്റെ പ്രദർശനാവകാശത്തിന്റെ ഒരു പങ്ക് കെ. ജി. ജോർജിന് കൈമാറി

ശേഷം നിർമ്മാതാവ് ഷിബു ജി. സുശീലൻ പോസ്റ്റ് ചെയ്ത കുറിപ്പ് ഇതാ: "കെ.ജി. ജോർജ് സാറിന്റെ ജീവിതവും സിനിമയും ആസ്‌പദമാക്കി ഞാൻ നിർമ്മിച്ച് ലിജിൻ ജോസ് സംവിധാനം ചെയ്ത ഡോക്യൂമെന്ററിയുടെ പ്രദർശന അവകാശം NEESTREAM OTT PLATFORM ന് കൊടുക്കുകയും അങ്ങനെ ലഭിച്ച തുകയിൽ നിന്ന് Rs 100000 (ഒരു ലക്ഷം രൂപ ) കെജി ജോർജ് സാറിന് ഞാൻ നൽകിയപ്പോൾ ആ വലിയ സംവിധായകന്റെ സന്തോഷം പറഞ്ഞറിയിക്കാൻ കഴിയാത്തതാണ്...

ഇങ്ങനെ ഒരു സഹായം ജോർജ് സാറിന് വേണ്ടി ചെയ്യാൻ പറ്റിയതിൽ എനിക്ക് വളരെ സന്തോഷം ഉണ്ട്. ഈ അവസരത്തിൽ സംവിധായകൻ ലിജിൻ ജോസും, ജോർജ് സാറിന്റെ ഭാര്യയും മകളും ഉണ്ടായിരുന്നു. ഡോക്യൂമെന്ററിയുടെ റൈറ്റ് വാങ്ങിയ NEESTREAM നോട്‌ പ്രത്യേകം നന്ദി അറിയിക്കുന്നു." ചിത്രം അധികം വൈകാതെ റിലീസാവും