Raai Laxmi | നടി റായ് ലക്ഷ്മിയുടെ വിവാഹനിശ്ചയ ട്വീറ്റ്, അവസാനം ട്വിസ്റ്റ്

മലയാള സിനിമയിൽ ഉൾപ്പെടെ തിളങ്ങിയ തെന്നിന്ത്യൻ താര സുന്ദരിയാണ് നടി ലക്ഷ്മി റായ് എന്ന റായ് ലക്ഷ്മി. റോക്ക് ആൻഡ് റോൾ സിനിമയിൽ മോഹൻലാലിൻറെ നായികയായാണ് ലക്ഷ്മിയുടെ മലയാള സിനിമാ പ്രവേശം. ശേഷം അണ്ണൻ തമ്പി, പരുന്ത്, ടു ഹരിഹർ നഗർ തുടങ്ങി ഒരുപിടി മലയാള ചിത്രങ്ങളിലും ലക്ഷ്മി വേഷമിട്ടു

ഗ്ലാമർ റോളുകളിലേക്കു ചുവടുമാറ്റിയ റായ് ലക്ഷ്മി ഇപ്പോൾ ഒരു ട്വീറ്റിന്റെ പേരിൽ വാർത്തയിൽ ഇടം നേടിയിരിക്കുകയാണ്. 31 കാരിയായ ലക്ഷ്മി  വിവാഹനിശ്ചയ ട്വീറ്റിന്റെ പേരിലാണ് ശ്രദ്ധ നേടിയിരിക്കുന്നത്. എന്നാൽ ട്വീറ്റിന്റെ അവസാനമാണ് ഗംഭീര ട്വിസ്റ്റ് (തുടർന്ന് വായിക്കുക)

ഏറെനാളുകളായി പറയാൻ എന്നാഗ്രഹിച്ച കാര്യമാണിതെന്നു ലക്ഷ്മി. തന്റെ വിവാഹക്കാര്യം ആരിൽ നിന്നും മറച്ചുവച്ചിട്ടില്ല. കൂടാതെ  തന്റെയും പങ്കാളിയുടെയും സ്വകാര്യത കാത്തുസൂക്ഷിക്കേണ്ടതും അനിവാര്യമാണ്. 2021 ഏപ്രിൽ 27ന് ഞങ്ങൾ വിവാഹനിശ്ചയം നടത്താൻ പോകുന്നതിനാൽ അടുത്ത സുഹൃത്തുക്കൾക്ക് ക്ഷണക്കത്ത് നൽകിയിരുന്നു... (ട്വീറ്റ് തുടരുന്നു)

എല്ലാം വളരെ പെട്ടെന്നായിരുന്നു. എന്റെ കുടുംബം അതീവ സന്തോഷത്തിലാണ്. പ്രിയപ്പെട്ടവനുമായി ഒത്തുചേരാനായി ഇനി കാത്തിരിക്കാൻ വയ്യ. ഈ പോസ്റ്റ് മറ്റൊരാളിൽ നിന്നും മോഷ്‌ടിച്ചു കൊണ്ട് ഞാൻ പറയാൻ ഉദ്ദേശിച്ചത് എന്തെന്നാൽ, നിങ്ങൾ എല്ലാവരും കൈകൾ കഴുകുകയും സാനിറ്റൈസർ ഉപയോഗിക്കുകയും ചെയ്യണം എന്ന ഓർമ്മപ്പെടുത്തലാണ്. (ട്വീറ്റ് അവസാനിച്ചു)

വീണ്ടും കോവിഡ് കേസുകൾ ഉയരുന്നതിനാൽ ജാഗ്രതാ നിർദ്ദേശം എന്ന നിലയിലാണ് റായി ലക്ഷ്മി ഈ ട്വീറ്റ് പോസ്റ്റ് ചെയ്തത്. അത്ര മാത്രമേയുള്ളൂ

ഇതാണ് ചർച്ചയായ ട്വീറ്റ്