ഗർഭിണിയായ ഭാര്യക്ക് ഇഷ്‌ട ഭക്ഷണം മുഖ്യം; പേളി ഭക്ഷണം കഴിക്കുന്ന വീഡിയോയുമായി ശ്രീനിഷ്

ഭാര്യ ഗർഭിണിയായാൽ മസാല ദോശ വാങ്ങിക്കൊണ്ടു വരുന്ന ഭർത്താക്കന്മാരെ സിനിമയിലും ജീവിതത്തിലും പലരും കണ്ടുകാണും. ഗർഭിണിയായ പേളിക്ക് പക്ഷെ മസാല ദോശയെക്കാളും കമ്പം ഈ ഭക്ഷണങ്ങളോടാണെന്നു തോന്നുന്നു. ഭാര്യയുടെ ഭക്ഷണ പ്രിയം വീഡിയോയിൽ പകർത്തി ഇൻസ്റ്റാഗ്രാം സ്റ്റോറിയായി പോസ്റ്റ് ചെയ്തിരിക്കുകയാണ് ശ്രീനിഷ്

ഞായറാഴ്ച ദിവസം രാത്രിയിൽ ഭാര്യ ഇഷ്‌ടവിഭവങ്ങളായ ഫ്രഞ്ച് ഫ്രൈസും ഫ്രൂട്ട് ഡ്രിങ്കും ഒക്കെ കഴിക്കുന്ന വീഡിയോയാണ് ശ്രീനിഷ് പോസ്റ്റ് ചെയ്തിരിക്കുന്നത്

പേളി ആസ്വദിച്ചു ഭക്ഷണം കഴിക്കുന്നതാണ് വീഡിയോയിൽ. പക്ഷെ അവസാനം വരെ കണ്ടാൽ ഒരുകാര്യം മനസ്സിലാവും

പേളിയുടെ മുഖഭാവത്തിൽ ഒരു ചെറിയ മാറ്റം വരുന്നുണ്ട്. അന്നേരമാണെന്നു തോന്നുന്നു ക്യാമറ ഓൺ ആയ വിവരം പേളി അറിയുന്നത്. ശേഷം ഒരു തുറിച്ചു നോട്ടം കാണാം

രണ്ടു ദിവസങ്ങൾക്കു മുൻപാണ് ഗർഭിണിയാണെന്ന വിവരം പേളി ഇൻസ്റ്റാഗ്രാമിൽ അറിയിച്ചത്. അച്ഛനാവുന്നതിന്റെ സന്തോഷം ശ്രീനിഷും പങ്കിട്ടു

2019 മെയ് മാസത്തിലായിരുന്നു പേളിയുടെയും ശ്രീനിഷിന്റെയും വിവാഹം. ബിഗ് ബോസ് മത്സരാർത്ഥികളായ ഇരുവരും ജീവിതത്തിലും ഒന്നിക്കുകയായിരുന്നു

പേളിക്കും ശ്രീനിഷിനും കൂടിയായി ഒരു വെബ് സീരീസുണ്ട്. 'പേളിഷ്' എന്ന സീരീസ് വിവാഹത്തിന് മുൻപാരംഭിച്ചതാണെങ്കിലും അതിനു ശേഷവും പുതിയ എപ്പിസോഡുകളുമായി താര ദമ്പതികളെത്തി

പേളിയുടെയും ശ്രീനിഷിന്റെയും വിവാഹ ചിത്രം