അമ്പിളിയുടെയും ആദിത്യന്റെയും മകന് അച്ഛന്റെയും അമ്മയുടെയും പേരിന്റെ ആദ്യാക്ഷരത്തിൽ തുടങ്ങുന്ന പേര്

താരദമ്പതികളായ അമ്പിളി ദേവിക്കും ആദിത്യനും കഴിഞ്ഞ മാസമാണ് ഒരു കുഞ്ഞ് ജനിച്ചത്. കഴിഞ്ഞ ദിവസമായിരുന്നു ഇരുവരുടെയും ജീവിതത്തിലെ രണ്ടാമത്തെ കണ്മണിയുടെ നൂലുകെട്ടും പേരിടീലും. തന്റെ ഫേസ് ബുക്ക് പോസ്റ്റിലൂടെയാണ് ആദിത്യൻ കുഞ്ഞിന്റെ പുതിയ വിശേഷങ്ങൾ പങ്ക് വച്ചത്.

ഞങ്ങൾക്ക് ഒരു ആൺ കുഞ്ഞു ജനിച്ചത് നവംബർ 20നായിരുന്നു. ഇന്നു മോന്റെ നൂലുകെട്ടും പേരിടലുമായിരുന്നു. ഞങ്ങൾക്ക് പ്രിയപ്പെട്ടവർ എല്ലാവരും ചടങ്ങിൽ പങ്കെടുത്തതായും, ഞങ്ങളുടെ കുഞ്ഞിനെ അനുഗ്രഹിച്ച എല്ലാവർക്കും നന്ദി എന്നുമാണ് താരം ഫേസ് ബുക്ക് കുറിപ്പിലൂടെ അറിയിച്ചത്.

കുഞ്ഞിന് എന്റെ ആഗ്രഹത്തിലും എല്ലാവരുടെയും അനുഗ്രഹത്താലും ഒരു അർജുൻ ജയൻ എന്ന് പേരിട്ടു. എല്ലാവരും പ്രാർത്ഥിക്കണം. ഒപ്പം നിന്നവർക്കും, പ്രാര്ഥിച്ചവർക്കും നന്ദി എന്നായിരുന്നു ആദിത്യന്റെ കുറിപ്പ്.

അതേസമയം മൂത്ത മകൻ അമർനാഥിന്റെ പേരിനോട് സാമ്യത പുലർത്തുന്ന പേരാണ് താര ദമ്പതികൾ ഇളയകുഞ്ഞിനും തെരെഞ്ഞെടുത്തത്. മാത്രവുമല്ല അനശ്വര നടൻ ജയന്റെ പേര് കൂടി ആദിത്യൻ മകന്റെ പേരിനൊപ്പം ചേർത്തു.