നാളെയാണാ സുദിനം; പിറന്നാൾ ദിനത്തിൽ ഒരു യമണ്ടൻ സർപ്രൈസ് തരാനൊരുങ്ങി ഉണ്ണി മുകുന്ദൻ

നാളെ സെപ്റ്റംബർ 22. ഉണ്ണി മുകുന്ദന്റെ പിറന്നാളാണ്. ഈ ദിവസം പ്രേക്ഷകർക്ക് മുൻപിൽ ഒരു വലിയ സർപ്രൈസ് ഒരുക്കാൻ കാത്തിരിക്കുകയാണ് ഉണ്ണി. ഫോട്ടോഷൂട്ട് ചിത്രങ്ങളുമായാണ്  പുതിയ അത്ഭുതം എന്തെന്ന് പറയാൻ ഉണ്ണി തയാറെടുക്കുന്നത്

അടുത്തിടെയാണ് ഉണ്ണി സ്വന്തം നിർമ്മാണ സംരംഭം ആരംഭിച്ചത്. അതിന്റെ ഭാഗമായുള്ള പ്രഖ്യാപനം എന്ന് സൂചനയുണ്ട്

ആ വലിയ പ്രഖ്യാപനം നടത്തുക നടൻ മോഹൻലാൽ ആയിരിക്കും. അതിനായാണ് ഉണ്ണി പിറന്നാൾ ദിനം തന്നെ തിരഞ്ഞെടുത്തിരിക്കുന്നത്. പ്രധാനമന്ത്രി നരേന്ദ്ര മോദിയുടെ ദിനത്തിലായിരുന്നു മലയാളമാസ പ്രകാരമുള്ള ഉണ്ണിയുടെ പിറന്നാൾ

ലോക്ക്ഡൗൺ കാലം സിനിമാ മേഖലയിൽ ഷൂട്ടിംഗ് നിർത്തിവച്ചിരുന്നെങ്കിലും പാട്ടും എഴുത്തുമൊക്കെയായി സജീവമായിരുന്നു ഉണ്ണി. ശേഷം മേപ്പടിയാന്റെ തിരക്കുകളിലേക്ക് മടങ്ങി

മേപ്പടിയാനു വേണ്ടി ശരീരഭാരം വർധിപ്പിക്കേണ്ടി വന്ന ഉണ്ണിക്ക് ലോക്ക്ഡൗൺ കാലം  അതേ അവസ്ഥയിൽ തുടരേണ്ടതായും വന്നിരുന്നു. വിദേശത്ത് ചിത്രീകരണം നടന്ന ആടുജീവിതം മാത്രമായിരുന്നു അന്ന് പ്രവർത്തിമേഖലയിൽ ഉണ്ടായിരുന്ന ഏക ചിത്രം

പുതിയ പ്രഖ്യാപനത്തിന്റെ ടീസർ പോസ്റ്റ്