ബോളിവുഡ് നടി രാഖി സാവന്തിന് യുഎഇ ഗോൾഡൻ വിസ

ദുബായ്: ബോളിവുഡ് താര റാണിയും നർത്തകിയും ടെലിവിഷൻ റിയാലിറ്റി ഷോ താരവുമായ നടി രാഖി സാവന്തിന് യുഎഇ ഗോൾഡൻ വിസ ലഭിച്ചു.

ദുബായിലെ മുൻനിര സർക്കാർ സേവന ദാതാക്കളായ ഇസിഎച്ച് ഡിജിറ്റൽ ആസ്ഥാനത്ത് എത്തി സി ഇ ഒ ഇഖ്ബാൽ മാർക്കോണിയിൽ നിന്നും രാഖി സാവന്ത് യുഎഇ ഗോൾഡൻ വിസ ഏറ്റുവാങ്ങി

നേരത്തെ ബോളിവുഡ് ഉൾപ്പെടെ തെന്നിന്ത്യയിലെ വലിയൊരു താരനിര യുഎഇ ഗോൾഡൻ വിസ ഏറ്റുവാങ്ങിയത് ദുബായിലെ ഇസിഎച്ച് ഡിജിറ്റൽ മുഖേനെയായിരുന്നു.

വ്യത്യസ്ത രാജ്യങ്ങളിൽ നിന്നുള്ള മുപ്പത്തിനായിരത്തിൽ പരം മികച്ച പ്രതിഭകൾക്ക് ഗോൾഡൻ വിസ സേവനങ്ങൾ നൽകുക വഴി ദുബായ് താമസ കുടിയേറ്റ വകുപ്പിന്റെ നവമാധ്യമ സൈറ്റുകളിലും ഇസിഎച്ചിന്റെ ഗോൾഡൻ വിസ സേവനങ്ങൾ പ്രശംസിക്കപ്പെട്ടിട്ടുണ്ട്.

1997-ൽ പുറത്തിറങ്ങിയ അഗ്നിചക്ര എന്ന ചിത്രത്തിലൂടെയാണ് രാഖി സാവന്ത് സിനിമയിൽ അരങ്ങേറ്റം കുറിച്ചത് . ജോറു കാ ഗുലാം , ജിസ് ദേശ് മേ ഗംഗാ രഹ്താ ഹേ , യേ രാസ്തേ ഹേ പ്യാർ കേ എന്നീ ബോളിവുഡ് ചിത്രങ്ങളിലെ മറ്റ് ചെറിയ വേഷങ്ങളും രാഖിയെ പ്രശസ്തയാക്കി.