ഭരണഘടനാ സ്ഥാപനങ്ങൾ സംരക്ഷിക്കണം; സിഎഎയുടെ പേരിലുള്ള അക്രമങ്ങളിൽ രാഷ്ട്രപതിക്ക് കത്തുമായി 154 പ്രമുഖർ

ന്യൂഡൽഹി: പൗരത്വ നിയമ ഭേദഗതിയുടെ പേരിൽ നടക്കുന്ന തർക്കങ്ങൾക്കിടെ രാഷ്ട്രപതി റാംനാഥ് കോവിന്ദിന് കത്തെഴുതി പ്രമുഖ വ്യക്തികൾ.

സി‌എ‌എയുടെ പേരിൽ അക്രമത്തിൽ ഏർപ്പെടുന്നവർക്കെതിരെ നടപടിയെടുക്കണമെന്നാവശ്യപ്പെട്ട് 154 പ്രമുഖർ ഒപ്പിട്ട കത്താണ് കൈമാറിയത്.

മുൻജഡ്ജിമാർ, സിവിൽ സർവീസുകാർ, പ്രതിരോധ ഉദ്യോഗസ്ഥർ എന്നിവരുള്‍പ്പെട്ട സംഘമാണ് കത്ത് നൽകിയത്.

ജനാധിപത്യ സ്ഥാപനങ്ങളെ സംരക്ഷിക്കുന്നതിനായി ഇത്തരം അക്രമികൾക്കെതിരെ നടപടിയെടുക്കാൻ ഇവർ കോവിന്ദിനോട് അഭ്യർത്ഥിച്ചു.

സെൻട്രൽ അഡ്മിനിസ്ട്രേറ്റീവ് ട്രിബ്യൂണൽ ചെയർമാനും മുന്‍ ജഡ്ജിയുമായ പെർമോദ് കോലിയുടെ നേതൃത്വത്തിലാണ് രാഷ്ട്രപതിയെ നേരിട്ട് കണ്ട് കത്ത് നൽകിയത്.

സിഎഎയ്ക്കെതിരായ പ്രതിഷേധം രാഷ്ട്രീയ വിരോധത്താൽ പ്രേരിതമാണെന്ന് ഇവർ ആരോപിച്ചതായി പിടിഐ റിപ്പോർട്ട് ചെയ്തിരിക്കുന്നു.

സി‌എ‌എയ്‌ക്കും എൻ‌ആർ‌സിക്കും എതിരെ വിവിധ വിഭാഗങ്ങളിൽ നിന്ന് വിയോജിപ്പിന്റെ ശബ്ദങ്ങൾ ഉയർന്നുവന്നിനു പിന്നാലെയാണ് പിന്തുണയുമായി സംഘം എത്തിയിരിക്കുന്നത്.