ബീഹാറിൽ ട്രെയിൻ പാളം തെറ്റി 6 മരണം

ട്രെയിന്‍ പാളംതെറ്റി ആറു പേര്‍ മരിച്ചു. ബിഹാറിലെ വൈശാലി ജില്ലയില്‍ ഡെല്‍ഹി-സീമാഞ്ചല്‍ എക്‌സ്പ്രസ് ആണ് പാളംതെറ്റിയത്.

പുലര്‍ച്ചെ 3.58-ന് സഹാദി ബുസുഗിലായിരുന്നു അപകടം.

ഒരു ജനറല്‍ കോച്ച്, എ.സി കോച്ച് ബി 3, സ്ലീപ്പര്‍ കോച്ചുകളായ എസ്8, എസ് 9, എസ് 10 എന്നിവയാണ് പാളംതെറ്റിയതെന്ന് ഈസ്റ്റ് സെന്‍ട്രല്‍ റെയില്‍വേ വക്താവ് രാജേഷ് കുമാര്‍ പറഞ്ഞു.

അപകടം നടക്കുമ്പോള്‍ സീമാഞ്ചല്‍ എക്‌സ്പ്രസ് പരമാവധി വേഗതയിലായിരുന്നെന്നും റെയില്‍വെ വൃത്തങ്ങള്‍ അറിയിച്ചു.

അപകടസ്ഥലത്തേക്ക് സോണ്‍പൂരിലും ബറൗണിയിലും നിന്നുള്ള ഡോക്ടര്‍മാരുടെ സംഘം എത്തിയിട്ടുണ്ട്.

മരിച്ചവരുടെ കുടുംബത്തിന് അഞ്ച് ലക്ഷം രൂപയും ഗുരുതരമായി പരുക്കേറ്റവർക്ക് ഒരു ലക്ഷം രൂപയും പരുക്കേറ്റവർക്ക് 50,000 രൂപയും നഷ്ടപരിഹാരം നൽകുമെന്ന് റെയിൽവേ അറിയിച്ചു

അധിക കോച്ചുകൾ ഘടിപ്പിച്ച് ട്രെയിൻ ഡൽഹിയിലേക്ക് പോകുമെന്ന് റെയിൽവെ അറിയിച്ചു.

അപകടത്തിൽപ്പെട്ട 12 കോച്ചുകൾ ഹാജിപ്പൂരിലേക്ക് മാറ്റും.

അപകടത്തിൽപ്പെട്ടവരുടെ ആശുപത്രി ചെലവ് റെയിൽവെ വഹിക്കുമെന്ന് മന്ത്രി പീയുഷ് ഗോയൽ ട്വീറ്റ് ചെയ്തു

അപകടത്തിൽപ്പെട്ടവർക്ക് എല്ലാവിധ സഹായവും ലഭ്യമാക്കാൻ ബീഹാർ മുഖ്യമന്ത്രി വിവിധ വകുപ്പുകൾക്ക് നിർദ്ദേശം നൽകി.

അപകടത്തെ തുടർന്ന് പാസഞ്ചർ ട്രെയിനുകൾ റദ്ദാക്കി. മൂന്നു ദീർഘദൂര ട്രെയിനുകൾ വഴിതിരിച്ചുവിട്ടു