ഫോട്ടോഗ്രഫി പ്രണയം; കാമറ പോലെ വീട് നിർമ്മിച്ച് കർണാടക സ്വദേശി; മക്കൾക്കും കാമറകളുടെ പേര്

ഫോട്ടേഗ്രഫിയെ അഗാധമായി ഇഷ്ടപ്പെടുന്ന നിരവധി ആളുകളുണ്ട്. തൊഴിലായും ഹോബി ആയും ഫോട്ടോഗ്രഫിയെ ഇഷ്ടപ്പെടുന്നവർ. ഈ ഇഷ്ടം പലരും പലരീതിയിലാണ് പ്രകടിപ്പിക്കുന്നത്.

കാമറയോടുള്ള തങ്ങളുടെ സ്നേഹം കാമറ പോലൊരു വീട് നിർമ്മിച്ചാണ് രവി ഹൊങ്കലും ഭാര്യയായ കൃപ ഹൊങ്കലും പ്രകടിപ്പിച്ചിരിക്കുന്നത്.  

കാമറയോടുള്ള തങ്ങളുടെ സ്നേഹം കാമറ പോലൊരു വീട് നിർമ്മിച്ചാണ് രവി ഹൊങ്കലും ഭാര്യയായ കൃപ ഹൊങ്കലും പ്രകടിപ്പിച്ചിരിക്കുന്നത്.

മുൻപ് താമസിച്ചിരുന്ന വീട് വിറ്റും അതിനൊപ്പം ബാക്കി പണം കടം വാങ്ങിയാണ് ഇവർ ആഗ്രഹം പോലെ വീട് നിർമ്മിച്ചിരിക്കുന്നത്. 71 ലക്ഷം  രൂപയാണ് കാമറ വീടിനായി രവി ചിലവഴിച്ചത്​.

വീടി​​ന്‍റെ അകത്തളങ്ങളിൽ കാമറയുടെ പോലെ ലെൻസും ഫ്ലാഷും ഷോ റീലും മെമ്മറി കാർഡും വ്യൂ ഫൈൻഡറുമെല്ലാമുണ്ട്​. വീടിന്​ അകത്തുള്ള സീലിങ്ങും ചുമരുകളുമെല്ലാം തന്നെ കാമറയുടെ വിവിധ പാർട്ടുകളാണെന്ന്​ തോന്നിപ്പിക്കുന്ന വിധമാണ് രൂപകൽപ്പന

വീട്ടിൽ മാത്രമല്ല മക്കളുടെ പേരിലും ഇവരുടെ കാമറ പ്രണയം വ്യക്തമാണ്. പ്രമുഖ കാമറകളുടെ പേരായ നിക്കോണ്‍, കാനൻ, എപ്സൺ എന്നിങ്ങനെയാണ് മക്കളുടെ പേരുകൾ