ഇനി 139; റെയിൽവേ സേവനങ്ങളെല്ലാം ഒറ്റ നമ്പരിലേക്ക്; പോലീസിനേ വിളിക്കാൻ 182

ന്യൂഡൽഹി: റെയിൽവേ സേവനങ്ങൾക്കായി വിളിക്കാൻ ഇനി ഒരൊറ്റ നമ്പർ മാത്രം. റെയിൽവേ ഹെൽപ് ലൈൻ നമ്പർ 139 മാത്രമാക്കുന്നു. ജനുവരി മുതൽ ഇത് നടപ്പാക്കാനാണ് റെയിൽവേ ഉദ്ദേശിക്കുന്നത്. ഇതുകൂടാതെ റെയിൽ മഡാഡ് എന്ന പേരിൽ മൊബൈൽ ആപ്പും ഉണ്ടാകും. റെയിൽവേ സേവനങ്ങൾ ഈ ആപ്പിലൂടെ നേടാനാകും.

അതേസമയം പൊലീസ് സഹായം തേടാനുള്ള 182 എന്ന നമ്പർ നിലനിർത്തും. മറ്റെല്ലാ നമ്പരുകളും നിർത്തലാക്കാനാണ് റെയിൽവേ തീരുമാനിച്ചിരിക്കുന്നത്. റെയിൽ മഡാഡ് ആപ്പ് മാത്രം നിലനിർത്തിക്കൊണ്ട്, പോർട്ടൽ സേവനവും റെയിൽവേ നിർത്തും.

139ൽ വിളിച്ചാൽ വിവിധ സേവനങ്ങൾ തെരഞ്ഞെടുക്കുംവിധമുള്ള സംവിധാനമാണ് ഏർപ്പെടുത്തുന്നത്.