കോവിഡ് ബാധയെന്ന് സംശയം; യുവാവ് കെട്ടിടത്തിന്റെ ഏഴാം നിലയിൽ നിന്നും ചാടി ജീവനൊടുക്കി

തനിക്ക് കോവിഡ് ബാധയുണ്ടെന്ന് സംശയിച്ച യുവാവ് കെട്ടിടത്തിന്റെ ഏഴാമത്തെ നിലയിൽ നിന്നും ചാടി മരിച്ചു. 32കാരനായ യുവാവാണ് ജീവനൊടുക്കിയത്

നോയിഡയിലെ ഗ്രേറ്റർ നോയിഡയിലുള്ള സ്വകാര്യ കോളേജ് കെട്ടിടത്തിൽ യുവാവിനെ ക്വാറന്റൈനിൽ പ്രവേശിപ്പിച്ച് നിരീക്ഷിച്ചു വരികയായിരുന്നു. ഞായറാഴ്ചയാണ് നാടിനെ നടുക്കിയ സംഭവമുണ്ടായത്

ഇയാളുടെ കോവിഡ് പരിശോധനാ ഫലം വരാനിരിക്കുന്നതേയുള്ളൂ. മഹാരാഷ്ട്രയിൽ തബ്‌ലീഗ് ജമാത്ത് സമ്മേളനത്തിൽ പങ്കെടുത്തയാൾ കോവിഡ് സ്ഥിരീകരിച്ചതിനെ തുടർന്ന് ആത്മഹത്യ ചെയ്തിരുന്നു. കോവിഡ് സ്ഥിരീകരിച്ച് തൊട്ടടുത്ത ദിവസം നേരം പുലരും മുൻപാണ് ഇയാൾ ഐസൊലേഷൻ വാർഡിലെ ശുചിമുറിയിൽ ജീവനൊടുക്കിയത്

രാജ്യത്ത് ഇതുവരെയായി 273 കോവിഡ് മരണങ്ങൾ റിപ്പോർട്ട് ചെയ്തിട്ടുണ്ട്. രോഗബാധിതരുടെ ഏറ്റവും പുതിയ കണക്കനുസരിച്ചുള്ള എണ്ണം 8,447 ആണ്