Shocking പാലക്കാട് ഫുട്ബോൾ ഗ്യാലറി തകർന്നു; അൻപതോളം പേർക്ക് പരിക്ക്

പാലക്കാട് നൂറണിയിൽ ഫുട്ബോൾ ഗ്യാലറി തകർന്ന് വീണ് അൻപതോളം പേർക്ക് പരിക്ക്.

അന്തരിച്ച മുൻ സന്തോഷ് ട്രോഫി താരം ധൻരാജിന്റെ കുടുംബത്തെ സഹായിക്കാൻ സംഘടിപ്പിച്ച സെലിബ്രിറ്റി ഫുട്ബോളിന്റെ ഉദ്ഘാടനത്തിനിടെയാണ് അപകടം.

മത്സരത്തിനായി നിർമ്മിച്ച താല്ക്കാലിക ഗ്യാലറിയാണ് തകർന്നത്. ചെരിഞ്ഞ് വീണതിനാൽ വൻ അപകടം ഒഴിവായി. പരിക്കേറ്റവരെ ജില്ലാ ആശുപത്രിയിൽ പ്രവേശിപ്പിച്ചു.

അപകടത്തെ തുടർന്ന് മത്സരം ഉപേക്ഷിച്ചതായി സംഘാടകർ വ്യക്തമാക്കി. ഐ എം വിജയൻ , ബൈച്ചുംഗ് ബൂട്ടിയ തുടങ്ങിയ പ്രമുഖ താരങ്ങളെല്ലാം മത്സരത്തിൽ പങ്കെടുക്കാനെത്തിയിരുന്നു.