കെഎൽ 15 എ 2689; കറങ്ങുന്ന കസേരയും ലിഫ്റ്റുമുള്ള നവകേരള ബസ്
- Published by:Rajesh V
- news18-malayalam
Last Updated:
കോണ്ട്രാക്ട് കാര്യേജ് വാഹനങ്ങള്ക്ക് നിര്ദേശിച്ചിരിക്കുന്ന കളര്കോഡില് ഇളവ് നല്കിയിട്ടുണ്ട്. മുന്നിരയിലെ കസേര 180 ഡിഗ്രി കറക്കാനുള്ള അനുമതി നല്കി. ബസ് നിര്ത്തിയിടുമ്പോള് സ്പ്ലിറ്റ് എസി പ്രവര്ത്തിപ്പിക്കാനായി പുറത്തുനിന്നുള്ള വൈദ്യുതി കണക്ഷന് നല്കാം
തിരുവനന്തപുരം: നവകേരള സദസ്സിന് മുഖ്യമന്ത്രിക്കും മന്ത്രിമാർക്കും യാത്ര ചെയ്യാൻ വാങ്ങിയ പുതിയ ബെൻസ് ബസിന്റെ നമ്പര് കെഎൽ 15 എ 2689. ഈ മാസം ഏഴിന് കേരളത്തിലെത്തിച്ച് രജിസ്ട്രേഷൻ പൂർത്തിയാക്കുകയും പൊലീസ് സുരക്ഷാ പരിശോധന നടത്തുകയും ചെയ്തിരുന്നു. പിന്നീട് ബെംഗളൂരുവിൽ എത്തിച്ച് ചോക്ക്ലേറ്റ് ബ്രൗൺ നിറം നൽകി. ആദ്യം മുഖ്യമന്ത്രിയുടെയും മന്ത്രിമാരുടെയും ചിത്രങ്ങൾ പതിക്കാനായിരുന്നു ആലോചനയെങ്കിൽ പിന്നീട് അത് വേണ്ടെന്ന് വെച്ചു. കേരള സർക്കാരിന്റെ ചിഹ്നം മാത്രം പതിപ്പിക്കുകയായിരുന്നു.
advertisement
advertisement
advertisement
advertisement
ബസിനായി നിയമത്തില് ഇളവുകള് പ്രഖ്യാപിച്ച് സര്ക്കാര് വിജ്ഞാപനം പുറത്തിറക്കിയിട്ടുണ്ട്. കോണ്ട്രാക്ട് കാര്യേജ് വാഹനങ്ങള്ക്ക് നിര്ദേശിച്ചിരിക്കുന്ന കളര്കോഡില് ഇളവ് നല്കിയിട്ടുണ്ട്. മുന്നിരയിലെ കസേര 180 ഡിഗ്രി കറക്കാനുള്ള അനുമതി നല്കി. ബസ് നിര്ത്തിയിടുമ്പോള് സ്പ്ലിറ്റ് എസി പ്രവര്ത്തിപ്പിക്കാനായി പുറത്തുനിന്നുള്ള വൈദ്യുതി കണക്ഷന് നല്കാം.
advertisement
advertisement
advertisement
ബസിനായി 1.05 കോടി രൂപയാണ് ധനവകുപ്പ് പബ്ലിക് റിലേഷന്സ് വകുപ്പിന് അനുവദിച്ചത്. 44 ലക്ഷം രൂപയാണ് ഷാസിയുടെ വില. ബാക്കി തുക ബോഡി നിര്മാണത്തിനും മറ്റു സൗകര്യങ്ങള്ക്കുമാണ്. കോണ്ട്രാക്ട് കാര്യേജ് ബസുകള്ക്ക് വെള്ള നിറമേ പാടുള്ളുവെങ്കിലും ഗതാഗതവകുപ്പിന്റെ നിര്ദേശപ്രകാരമാണ് ബ്രൗണ് നിറം തിരഞ്ഞെടുത്തത്.
advertisement