പൂരത്തിന്റെ നാട്ടില്‍ ത്രികോണ പോരാട്ടം

ഒരു കാലത്ത് കോണ്‍ഗ്രസിന്റെ കോട്ട, ലീഡറുടെ തട്ടകം ഇവയൊക്കെയായിരുന്നു തൃശൂര്‍ ലോക്‌സഭ മണ്ഡലമെങ്കിലും ഇപ്പോള്‍ ഇടതുപക്ഷത്തിനൊപ്പമാണ്. ദുര്‍ബലരെന്ന് കരുതിയവരെ വിജയിപ്പിക്കുകയും കരുത്തന്മാരെ തറപറ്റിക്കുകയും ചെയ്ത ചരിത്രവും തൃശൂരിനുണ്ട്.

ഗുരുവായൂര്‍, മണലൂര്‍, ഒല്ലൂര്‍, തൃശൂര്‍, നാട്ടിക, ഇരിങ്ങാലക്കുട, പുതുക്കാട് നിയമസഭ മണ്ഡലങ്ങള്‍ ഉള്‍പ്പെടുന്നതാണ് തൃശൂര്‍ ലോക്സഭ മണ്ഡലം.

2014 -ലെ തെരഞ്ഞെടുപ്പിൽ സിപിഐയിലെ സിഎൻ ജയദേവനാണ് പാർലമെന്റിലെത്തിയത്. കോൺഗ്രസിലെ കെ.പി ധനപാലനെയാണ് പരാജയപ്പെടുത്തിയത്.

ഗുരുവായൂര്‍, മണലൂര്‍, ഒല്ലൂര്‍, തൃശൂര്‍, നാട്ടിക, ഇരിങ്ങാലക്കുട, പുതുക്കാട് നിയമസഭ മണ്ഡലങ്ങള്‍ ഉള്‍പ്പെടുന്നതാണ് തൃശൂര്‍ ലോക്സഭ മണ്ഡലം. കഴിഞ്ഞ നിയമസഭ തെരഞ്ഞെടുപ്പില്‍ മുഴുവന്‍ സീറ്റും ഇടതുമുന്നണി തൂത്തുവാരി. ഏഴു മണ്ഡലത്തിലുമായി മുന്നണി അധികം നേടിയത് ഒന്നര ലക്ഷം വോട്ട്.

2014ലെ ലോക്‌സഭ തെരഞ്ഞെടുപ്പില്‍ സീറ്റ് വെച്ചുമാറ്റത്തിനൊടുവില്‍ പാര്‍ട്ടി സ്ഥാനാര്‍ഥി കെ.പി. ധനപാലന്‍ സി.പി.ഐയിലെ സി.എന്‍. ജയദേവനോട് തോറ്റത് 38,227 വോട്ടിനാണ്. തൃശൂര്‍ വിട്ട് ചാലക്കുടിയിലെത്തിയ പി.സി. ചാക്കോക്കും പരാജയപ്പെട്ടു. ഈ തെരഞ്ഞെടപ്പിൽ ഇടതു സ്ഥാനാർതിയായി രാജാജി മാത്യൂ തോമസും യു.ഡിഎഫിനു വേണ്ടി ടി.എൻ പ്രതാപനുമാണ് മത്സരരംഗത്തുള്ളത്. ഔദ്യോഗികമായി പ്രഖ്യാപിച്ചിട്ടില്ലെങ്കിലും എൻ.ഡി.എയ്ക്കു വേണ്ടി തുഷാർ വെള്ളാപ്പള്ളി സ്ഥാനാർഥിയാകുമെന്നാണ് സൂചന.