ഉരഗങ്ങളും ഉഭയജീവികളും പെരുകുന്നു, ജാഗ്രത അനിവാര്യം; ഇരുതല വാളായി കനക്കുന്ന മൺസൂൺ മഴ

കേരളത്തിലെ മൺസൂൺ കാലം കാണേണ്ട ഒരു കാഴ്ചയാണ്, ഭൂപ്രകൃതിയെ പച്ചപ്പുള്ള ഒരു പറുദീസയാക്കി മാറ്റുന്നു. മഴ ഭൂമിയിലേക്ക് പുതിയ ജീവൻ ഏകുന്നു. ചെടികൾക്കും ജീവജാലങ്ങൾക്കും ഇത് പ്രജനനകാലമാണ്. മഴക്കാലത്ത് കൊതുകടക്കമുളള പ്രാണികൾ തഴച്ചുവളരുന്ന സാഹചര്യത്തിൽ അവ ഭക്ഷണമാകുന്ന തവളകളും അവയെ ആഹാരമാക്കുന്ന പാമ്പു പോലുളള ജീവികൾ കൂടുതൽ സജീവമായിത്തീരുന്നു. പ്രകൃതിയുടെ ആവാസവ്യവസ്ഥയുടെ താളമാണിത്. ഭൂമിക്കു അത്യന്താപേക്ഷികമാണ് ഇവയെല്ലാം.

എന്നാൽ മനുഷ്യരുമായി ഇവ ഏറ്റുമുട്ടലുകളിലേക്ക് നയിക്കുന്നു. മൺസൂണിൻ്റെ ഊർജ്ജസ്വലമായ ആവാസവ്യവസ്ഥ പ്രകൃതിദത്തമായ ഒരു അത്ഭുതമാണെങ്കിലും, ജാഗ്രതയും മുൻകരുതലും ആവശ്യമായ വെല്ലുവിളികളും ഇതോടെപ്പം എത്തുന്നു. മൺസൂണിൻ്റെ വരവോടെ, ഈർപ്പമുളള മണ്ണിൽ നിന്ന് ജീവികൾ, പലപ്പോഴും തണുപ്പു കുറഞ്ഞതും വരണ്ടതുമായ മണ്ണുത്തേടി പുറത്തെത്തും. ചിലപ്പോൾ വീടുകൾക്ക് സമീപം അഭയം തേടുന്നു. ഇതു ശ്രദ്ദിക്കാതെ പലപ്പോഴും നാം മനുഷ്യർ അപകടത്തിൽ ചെന്നുചാടുന്നു.

തണുപ്പും ആർദ്രതയും പല ഉരഗങ്ങളുടെയും പ്രവർത്തനത്തെ മന്ദീഭവിപ്പിക്കും, പക്ഷേ അവ ഉയർത്തുന്ന അപകടസാധ്യതകൾ ഇത് ഇല്ലാതാക്കുന്നില്ല, പ്രത്യേകിച്ചും വിഷപാമ്പുകൾക്ക്. ഈർപ്പമുള്ള അവസ്ഥയിൽ നിന്ന് രക്ഷപ്പെടാൻ ഇവ പാർപ്പിടങ്ങളിൽ അഭയം തേടാം. മഴക്കാലത്തു അതീവ ജാഗ്രത അനിവാര്യമായ കാര്യമാണിത്.

കൊതുകുകൾ, ഈച്ചകൾ തുടങ്ങിയ രോഗം പരത്തുന്ന കീടങ്ങളുടെ വ്യാപനത്തിന് അനുയോജ്യമായ സാഹചര്യവും മൺസൂൺ സൃഷ്ടിക്കുന്നു. വർദ്ധിച്ച ഈർപ്പം ഈ പ്രാണികൾക്ക് അനുയോജ്യമായ പ്രജനന കേന്ദ്രങ്ങൾ നൽകുന്നു, ഇത് ആരോഗ്യപരമായ അപകടസാധ്യതകളിലേക്ക് നയിക്കുന്നു. ഈ അപകടസാധ്യതകൾ ലഘൂകരിക്കുന്നതിന്, പടർന്നുപിടിച്ച സസ്യങ്ങൾ നീക്കം ചെയ്തും ചവറ്റുകുട്ടകൾ മൂടിക്കെട്ടിയും പരിസരം വൃത്തിയായി സൂക്ഷിക്കേണ്ടത് പ്രധാനമാണ്.

കഴിഞ്ഞ രാത്രി എറണാകുളം കരുമാലൂർ പുതുക്കാട് സ്വദേശി ശ്രീനിവാസൻ്റെ അടുക്കളയിൽ തുണിക്കടിയിൽ മൂർഖൻ പാമ്പിനെ ഒളിച്ച നിലയിൽ കണ്ടെത്തി. ഭാഗ്യവശാൽ, അപകടമൊന്നും കൂടാതെ പാമ്പിനെ സുരക്ഷിതമായി പിടികൂടാൻ കഴിഞ്ഞു. സമാനമായ പല സംഭവങ്ങളും സംസ്ഥാനത്തു പലയിടങ്ങളിൽ റിപ്പോർട്ട് ചെയ്യപ്പെട്ടിട്ടുണ്ട്. ഉചിതമായ മുൻകരുതലുകൾ എടുക്കുകയും അപകടസാധ്യതകളെക്കുറിച്ച് ബോധവാന്മാരായിരിക്കുകയും വേണം.

കേരളത്തിൽ മൺസൂൺ കനക്കുമ്പോൾ, നാം വന്യജീവികളുമായുള്ള അപകടകരമായ ഏറ്റുമുട്ടൽ ഒഴിവാക്കുന്നതിനുള്ള സുരക്ഷാ മുൻകരുതലുകൾ ഉൾക്കൊളേണ്ടതുണ്ട്. വെളിയിൽ ഇറങ്ങുമ്പോൾ കാലുമറക്കുന്ന തരത്തിലുളള റബ്ബർ ബൂട്ട് ധരിക്കുന്നത് പാമ്പുകളുടെയും മറ്റു പ്രാണികളുടെയും കടികളിൽ നിന്ന് സംരക്ഷിക്കും. വീടിനുള്ളിൽ അപകടസാധ്യതയുള്ള പാമ്പിനെയോ മറ്റ് ഉരഗങ്ങളെയോ കണ്ടുമുട്ടാൻ ഇടവന്നാൽ, സാഹചര്യം സ്വതന്ത്രമായി കൈകാര്യം ചെയ്യാൻ ശ്രമിക്കുന്നതിനുപകരം വന്യജീവി വിദഗ്ധരെ ബന്ധപ്പെടുന്നതാണ് ഉചിതം.