KSEB Bill | ബിൽ അടച്ചില്ലെങ്കിലും കെ.എസ്.ഇ.ബി ഫ്യൂസ് ഈരില്ല; പക്ഷെ ഈടാക്കുന്നത് 18 ശതമാനം വരെ പിഴ
ഓൺെലെനായി ബിൽത്തുകയുടെ ഒരു പങ്ക് മാത്രം അടച്ച പല ഉപയോക്താക്കൾക്കും ബാക്കിയുണ്ടായിരുന്ന തുകയ്ക്ക് സർച്ചാർജ് ഈടാക്കിയെന്ന പരാതി ഉയർന്നിട്ടുണ്ട്.
News18 Malayalam | August 30, 2020, 8:25 AM IST
1/ 6
തിരുവനന്തപുരം: കോവിഡ് കാലത്ത് ബിൽ കുടിശിക വരുത്തുന്നവരുടെ കണക്ഷൻ വിച്ഛേദിക്കില്ലെന്ന് കെ.എസ്.ഇ.ബി വ്യക്തമാക്കിയിട്ടുണ്ടെങ്കിലും മുടക്കം വരുത്തുന്നവരിൽ നിന്നും 18 ശതമാനം വരെ പഴ ഈടാക്കും. ജൂൺ 20-ന് ശേഷം നൽകിയ എല്ലാ ബില്ലുകളിലും കൃത്യമായി പണമടച്ചില്ലെങ്കിൽ പിഴ നൽകേണ്ടിവരുമെന്നാണ് ബോർഡ് അധികൃതർ വ്യക്തമാക്കുന്നത്.
2/ 6
അതേസമയം ഏപ്രിൽ 19 മുതൽ ജൂൺ 20 വരെ നൽകിയ ബില്ലുകളിൽ സർച്ചാർജ് ഈടാക്കില്ലെന്നും പ്രഖ്യാപിച്ചെങ്കിലും ഇക്കാര്യത്തിലും ഇതുവരെ വ്യക്തതയില്ല. ഓൺെലെനായി ബിൽത്തുകയുടെ ഒരു പങ്ക് മാത്രം അടച്ച പല ഉപയോക്താക്കൾക്കും ബാക്കിയുണ്ടായിരുന്ന തുകയ്ക്ക് സർച്ചാർജ് ഈടാക്കിയെന്ന പരാതി ഉയർന്നിട്ടുണ്ട്.
3/ 6
ഏപ്രിൽ 19 മുതൽ ജൂൺ 20 വരെ നൽകിയ ബില്ലടയ്ക്കാൻ ഡിസംബർവരെ സമയമുണ്ടെന്നാണ് കെ.എസ്.ഇ.ബി. വ്യക്തമാക്കുന്നത്.
4/ 6
നിലവിലെ സാഹചര്യത്തിൽ അധിക സെക്യൂരിറ്റി ഈടാക്കേണ്ടതില്ലെന്നാണ് ബോർഡ് തീരുമാനിച്ചിരുന്നു. എന്നാൽ സെക്യൂരിറ്റി തുകയിൽ കുറവ് വന്നാൽ അത് ബില്ലിൽ നിന്നും ഈടാക്കുന്നുണ്ട്. ഇങ്ങനെ കെട്ടിവെച്ചിരിക്കുന്ന തുകയ്ക്ക് നിശ്ചിത ശതമാനം പലിശയും ബില്ലിൽ വകയിരുത്തി നൽകും.
5/ 6
പുതിയ വൈദ്യുതകണക്ഷന്‌ ഇനി ഓണ്‍ലൈനായി അപേക്ഷിക്കാനുള്ള സംവിധാനവും കെ.എസ്.ഇ.ബി ഒരുക്കിയിട്ടുണ്ട്. ഇതിനായി അപേക്ഷാഫീസ് നൽകേണ്ടതില്ല
6/ 6
. എൽ.ടി. ഗുണഭോക്താക്കൾക്ക് ജി.എസ്.ടി.യും പ്രളയസെസും അടക്കം 61 രൂപയും ഹൈടെൻഷൻ (എച്ച.ടി.) ഗുണഭോക്താക്കൾക്ക് 1118 രൂപയും എക്സ്ട്രാ ഹൈടെൻഷൻ ഗുണഭോക്താക്കൾക്ക് 5500-ലേറെ രൂപയുമാണ് മുൻപ് അപേക്ഷാഫീസായി നൽകേണ്ടിയിരുന്നത്. ആദ്യമായി ഓണ്‍ലൈനിൽ ബില്ലടയ്ക്കുന്ന ഗുണഭോക്താക്കൾക്ക് ബിൽത്തുകയുടെ അഞ്ച് ശതമാനം ഡിസ്കൗണ്ടും ലഭിക്കും.
