Neelakurinji | നീലക്കുറിഞ്ഞി കണ്ടോളൂ; പ്ലാസ്റ്റിക് മാലിന്യമെറിഞ്ഞ് ആ മല നശിപ്പിക്കരുത്; അഭ്യർത്ഥനയുമായി നീരജ് മാധവ്

12 വർഷത്തിൽ ഒരിക്കൽ പൂക്കുന്ന നീലക്കുറിഞ്ഞി (Neelakurinji) ദേശാന്തരങ്ങൾ കടന്ന് ഖ്യാതി നേടിയവയാണ്. ഈ കാഴ്ച കാണാൻ കേരളത്തിനകത്തും പുറത്തും നിന്നുള്ളവർ ഇടുക്കി കള്ളിപ്പാറയിൽ എത്തുകയാണ്. എന്നാൽ കണ്ടിട്ട് പോകുന്നവർ നീലക്കുറിഞ്ഞി കൂട്ടത്തിന് തിരിച്ച് അത്ര മനോഹരമായ അനുഭവമല്ല നൽകുന്നത്. മലയിലും പരിസരത്തും അലക്ഷ്യമായി വലിച്ചെറിഞ്ഞ പ്ലാസ്റ്റിക് മാലിന്യങ്ങൾ കുമിഞ്ഞുകൂടുന്നു

പൂക്കളുടെ പരിസരത്ത് മാത്രമല്ല, ചെടികളിലും ഇവ വന്നു വീഴുന്ന ദയനീയ കാഴ്ച്ചയുടെ ദൃശ്യങ്ങളുമായി നടൻ നീരജ് മാധവ്

'നീലക്കുറിഞ്ഞി സന്ദർശനങ്ങൾ ഒരു വലിയ ദുരന്തമായി മാറുകയാണ്. ആളുകൾ വലിയ അളവിൽ പ്ലാസ്റ്റിക് മാലിന്യങ്ങൾ പരിസരത്തിനു ചുറ്റും മാത്രമല്ല, വിലയേറിയ പുഷ്പങ്ങൾക്കു ചുറ്റും ഉപേക്ഷിക്കുന്നു...

ഇതിനു തടയിടാൻ അധികാരികൾ പരമാവധി ശ്രമിക്കുന്നുണ്ടെങ്കിലും ആളുകൾ അതൊന്നും കാര്യമാക്കുന്നില്ല. മനോഹരമായ ഇവിടം സന്ദർശിക്കുന്ന എല്ലാവരോടും ഒരു അഭ്യർത്ഥന. പ്ലാസ്റ്റിക് കൊണ്ടുപോകരുത്. ഇനി കൊണ്ടുപോയാൽ, ദയവായി അത് വലിച്ചെറിയരുത്.' നീരജ് കുറിച്ചു

പൂക്കൾ കാണാൻ വന്ന്, അവ പറിച്ചെടുത്ത് സെൽഫി എടുത്ത ഒരാൾക്കെതിരെ കഴിഞ്ഞ ദിവസം സോഷ്യ മീഡിയയിൽ വിമർശനമുയർന്നിരുന്നു

അപൂർവമായി പൂക്കുന്ന പൂക്കളെ ഇത്തരത്തിൽ നശിപ്പിക്കുന്നതിനെതിരെ പലരും രൂക്ഷമായി പ്രതികരിച്ചിരുന്നു