ഏഴര ലക്ഷം അരിമണികളില്‍ ശ്രീരാമനാമം എഴുതി സമര്‍പ്പിച്ച് തെലങ്കാന സ്വദേശിയായ ഭക്ത

ഭക്തി ഓരോ മനുഷ്യരും പ്രകടിപ്പിക്കുന്ന രീതിയിലൂടെയാണ് മറ്റുള്ളവരിലേക്ക് പകര്‍ന്നു കൊടുക്കുന്നത്. ഇന്നത്തെ തലമുറയിലെ യുവാക്കളിൽ ആത്മീയ അവബോധം സൃഷ്ടിക്കുന്നതിനായി, തെലങ്കാനയിൽ നിന്നുള്ള ഒരു ഭക്ത ചെയ്ത പ്രവൃത്തിയാണ് വിശ്വാസികള്‍ക്കിടയില്‍ ശ്രദ്ധനേടുന്നത്. 1,01,116 അരിമണികളില്‍ ശ്രീരാമ നാമം എഴുതി തെലങ്കാനയിലെ ഭദ്രാദ്രി ശ്രീ സീതാ രാമചന്ദ്ര സ്വാമി ക്ഷേത്രത്തിന് കൈമാറിയിരിക്കുകയാണ് മല്ലി വിഷ്ണു വന്ദന എന്ന ഭക്ത.

ആധുനിക ലോകത്തിലെ യുവാക്കളിൽ ആത്മീയ വികാരം വളർത്തുന്നതിനായി 2016ലാണ് അരിമണികളിൽ ശ്രീരാമ നാമം എഴുതുന്ന യജ്ഞം ഇവര്‍ ആരംഭിച്ചത്. ചെറുപ്പത്തിലെ ഭക്തിമാര്‍ഗം സ്വീകരിച്ച മല്ലി വിഷ്ണു വന്ദന ഇതിനോടകം 7,52,864 അരിമണികളില്‍ ശ്രീരാമനാമം എഴുതിയിട്ടുണ്ട്

ഭദ്രാദിയില്‍ സമര്‍പ്പിച്ച ശേഷമുള്ള അരിമണികള്‍ ആന്ധ്രാപ്രദേശിലെ അള്ളഗഡ്ഡ, വിജയനഗരം എന്നിവിടങ്ങളിലെ ശ്രീ സീതാ രാമചന്ദ്ര സ്വാമി ക്ഷേത്രങ്ങളുടെയും തെലങ്കാനയിലെ കരിംനഗർ ജില്ലയിലെ നെരേദുചർള, ഹൈദരാബാദ്, ഇല്ലന്തുകുണ്ട എന്നിവിടങ്ങളിലെ ക്ഷേത്രങ്ങളുടെയും അധികാരികൾക്ക് കൈമാറുമെന്ന്  മല്ലി വിഷ്ണു വന്ദന ന്യൂസ് 18നോട് പറഞ്ഞു.

സമര്‍പ്പിക്കപ്പെട്ട അരിമണികള്‍ മാര്‍ച്ച് 30ന് നടക്കുന്ന ശ്രീരാമ സീതാ തിരുകല്യാണ മഹോത്സവത്തിന് അക്ഷതമായി ഉപയോഗിക്കും.