തിരുവട്ടാർ ആദികേശവ പെരുമാൾ ക്ഷേത്രത്തിൽ അല്പശി ഉത്സവത്തിന് കൊടിയേറി

കന്യാകുമാരി: പ്രസിദ്ധമായ തിരുവട്ടാർ ആദികേശവ പെരുമാൾ ക്ഷേത്രത്തിൽ അല്പശി ഉത്സവത്തിന് കൊടിയേറി. പൈങ്കുനി, അല്പശി മാസങ്ങളിലാണ് പത്ത് ദിവസം നീണ്ടു നില്‍കുന്ന ഉത്സവം നടക്കുന്നത്.

കൊടിയേറ്റോടെ ഈ വര്‍ഷത്തെ അല്പശി ഉത്സവത്തിന് ഭക്തിനിര്‍ഭരമായ തുടക്കമായി. രാവിലെ നിർമ്മാല്യത്തിന് ശേഷം ശ്രീഭൂതബലി നടന്നു. തുടർന്ന് രാവിലെ 8 നും 9 നും ഇടയിലായിരുന്നു കൊടിയേറ്റ്.

വിവിധ ക്ഷേത്ര ചടങ്ങളുകള്‍ക്കൊപ്പം വിവിധ കലാപരപാടികളും ഉത്സവത്തോട് അനുബന്ധിച്ച് നടക്കും. തിരുവുത്സവം ഒന്നാം ദിവസമായ ഇന്ന് രാത്രി സ്വാമി നാൽകാലി വാഹനത്തിൽ എഴുന്നള്ളും.

രണ്ടാം ദിവസം (15ന്) രാവിലെ 8ന് നവനീതം നാരായണീയ സമിതിയുടെ നാരായണീയപാരായണം, രാത്രി 9ന് സ്വാമിയുടെ അനന്തവാഹനത്തിൽ എഴുന്നള്ളത്ത്. 10ന് പ്രഹ്ലാദ ചരിതം കഥകളി, 8ന് നാരണീയപാരായണം,

മൂന്നാം ദിവസം (16ന്) 9 മണിക്ക് കമലവാഹനത്തിൽ എഴുന്നള്ളത്ത്.10ന് സന്താനഗോപാലം കഥകളി നടക്കും.നാലാം ദിവസമായ (17ന്) രാത്രി 7.30ന് നൃത്തനൃത്യങ്ങൾ, ഒൻപതിന് സ്വാമി പല്ലക്കു വാഹനത്തിൽ എഴുന്നള്ളും.

അഞ്ചാം ദിവസം (18ന്) രാവിലെ 11ന് പ്രത്യേക ഉത്സവബലി ദർശനം, എട്ടിന് ശ്രീകൃഷ്ണക്ഷേത്രത്തിൽ കൊടിയേറ്റം, ഗരുഡവാഹനത്തിൽ രാത്രി 9ന് സ്വാമിമാരുടെ എഴുന്നള്ളത്ത്. 10ന് നളചരിതം കഥകളി

ആറാം ദിവസം (19ന്) രാത്രി സ്വാമിയുടെ നാൽകാലി വാഹനത്തിൽ എഴുന്നള്ളത്ത്.10ന് ദേവയാനി ചരിതം കഥകളി.ഏഴാം ദിവസം (20ന്) രാത്രി 9 ന് സ്വാമി പല്ലക്കിൽ എഴുന്നള്ളത്. തുടർന്ന് തോരണയുദ്ധം കഥകളിയും നടക്കും.

എട്ടാം ദിവസം (21ന്) രാത്രി 9 ന് സ്വാമി നാൽകാലി വാഹനത്തിൽ എഴുന്നള്ളത്.10ന് ദുര്യോധന വധം കഥകളി. ഒൻപതാം ദിവസം (22ന്) രാത്രി 8.30ന് വിശേഷാൽ നാദസ്വരക്കച്ചേരി, 9.30ന് സാമി ഗരുഡവാഹനം പള്ളിവേട്ട എഴുന്നള്ളത്ത്.

പത്താം ദിവസം (23-ന്) രാവിലെ 11-ന് എഴുന്നള്ളിപ്പ്, വൈകീട്ട് 7-ന് വിശേഷാൽ നാദസ്വര കച്ചേരി, രാത്രി 8-ന് ഗരുഡവാഹനത്തിൽ സ്വാമിയുടെ എഴുന്നള്ളത്ത് തളിയൽ നദിയിലേക്ക്,തുടർന്ന് കുചേലവൃത്തം കഥകളി.