വൈറൽ കൊറിയൻ ഡയറ്റ് പരീക്ഷിക്കൂ; വെറും 4 ആഴ്ച കൊണ്ട് നിങ്ങളുടെ ഭാരം കുറയ്ക്കാം

വെറും 4 ആഴ്ചകൊണ്ട് ശരീരഭാരം കുറയ്ക്കുന്ന ഡയറ്റാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. ഇടവിട്ടുള്ള ഉപവാസവും ശാരീരിക അധ്വാനവും ചേർന്നുള്ള ഡയറ്റാണ് നാല് ആഴ്ചയിലുള്ളത്. ഈ രീതിയിലുള്ള ഡയറ്റെടുത്താൽ വെറും 4 ആഴ്ചക്കുള്ളിൽ ശരീര ഭാരം കുറയുമെന്നാണ് കൊറിയയിലെ പ്രശസ്ത ഡയറ്റീഷ്യൻ വിദഗ്ധനായ ഡോ. യോങ് വൂ പാർക്ക് വെളിപ്പെടുത്തുന്നത്.

ഈ ഡയറ്റിന് ശരിയായിട്ടുള്ള അച്ചടക്കമാണ് പ്രധാനമെന്നാണ് ഡോ. പാർക്ക് ഊന്നിപ്പറയുന്നത്. ആരോഗ്യകരമായ ഭക്ഷണ രീതിയും  ഉപവാസവും സ്ഥിരമായിട്ടുള്ള കായികാഭ്യാസവും  ഈ ഡയറ്റിൽ പ്രധാനമാണെന്നാണ് യോങ് വൂ പറയുന്നത്. ആഗോള ശ്രദ്ധ പിടിച്ചുപറ്റിയ നാല് ആഴ്ചത്തെ ഡയറ്റിന്റെ വിശദീകരണം ഇതാ.

വീക്ക് 1| ഡീറ്റോക്സ് ആൻഡ് ഗട്ട് ക്ലെൻസ്: ആദ്യത്തെ ആഴ്ചയിൽ എല്ലാ ദിവസവും രാവിലെ വെറും വയറ്റിൽ പ്രോബയോട്ടിക്, പ്രോട്ടീൻ ഷേക്ക് കഴിച്ച് ആരംഭിക്കണം. തുടർന്ന് ഒരു മണിക്കൂർ നടത്തം. ഈ ആഴ്ചയിൽ ഭക്ഷണത്തിൽ വെള്ളരിക്ക, ബ്രോക്കോളി, കാബേജ്, ബട്ടർ മിൽക്ക് എന്നിവ ഉൾപ്പെടുത്തണം.

അടുത്ത നാല് ദിവസത്തേക്ക് മത്സ്യം, ചിക്കൻ, മുട്ട, പാലുൽപ്പന്നങ്ങൾ, കഫീൻ തുടങ്ങിയ പ്രോട്ടീൻ സമ്പുഷ്ടമായ ഭക്ഷണങ്ങൾ മിതമായി കഴിക്കുക. മാവിൽ നിന്ന് ഉണ്ടാക്കുന്ന ഭക്ഷണങ്ങളും മിതമായ അളവിൽ ഉൾപ്പെടുത്താം.

വീക്ക് 2- ഇടയ്ക്കിടെ ഉപവാസം ആരംഭിക്കുക: രണ്ടാമത്തെ ആഴ്ചയിൽ ഇടവിട്ടുള്ള ഉപവാസം പ്രധാനപ്പെട്ടതാണ്. 24 മണിക്കൂർ ഉപവസമെടുക്കുക. ഉയർന്ന പ്രോട്ടീൻ ഭക്ഷണത്തോടെ ഉപവാസം അവസാനിപ്പിക്കുക. പച്ചക്കറികൾക്കും അരിക്കും പുറമേ ദിവസവും രണ്ട് പ്രോട്ടീൻ ഷേക്കുകൾ തുടരുക.

ഉച്ചഭക്ഷണത്തിൽ പച്ചക്കറികളും അടങ്ങിയിരിക്കണം. അത്താഴത്തിൽ ഉയർന്ന പ്രോട്ടീൻ കഴിക്കുന്നതിൽ ശ്രദ്ധ കേന്ദ്രീകരിക്കണം. കഴിക്കുന്ന ഭക്ഷണങ്ങളിൽ കറുത്ത കാപ്പി, പയർവർഗ്ഗങ്ങൾ, അരി, അണ്ടിപരിപ്പ് എന്നിവ ഉൾപ്പെടുത്തുക.

വീക്ക് 3- ഉപവാസം വർദ്ധിപ്പിക്കുക, സ്നാക്സ് കഴിക്കുക: ഈ ആഴ്ച 24 മണിക്കൂർ രണ്ട് വ്യത്യസ്ത ഉപവാസങ്ങൾ എടുക്കണം. ഭക്ഷണം ചെറുതും കൂടുതൽ പോഷകസമൃദ്ധവുമായിരിക്കണം. ചെറി തക്കാളി, ചെസ്റ്റ്നട്ട്, ബെറികൾ, വിത്തുകൾ, വാഴപ്പഴം തുടങ്ങിയ ആരോഗ്യകരമായ കഴിയ്ക്കുക. നാരുകളുടെയും പോഷകങ്ങളുടെയും അളവിനായി മധുരകിഴങ്ങ് കഴിക്കുന്നത് നല്ലതാണ്.

വീക്ക് 4: അവസാന ആഴ്ചയിൽ മൂന്ന് തവണ 24 മണിക്കൂർ ഉപവാസം നടത്തുക. വാഴപ്പഴവും മധുരക്കിഴങ്ങും കഴിക്കുന്നത് തുടരുക, വിത്തുകൾ, പരിപ്പ്, പച്ചക്കറികൾ എന്നിവയും കഴിക്കുക. ഉപവാസ കാലയളവിൽ വെള്ളം മാത്രമാണ് കുടിയ്ക്കാവുന്നത്.

ദിവസവും കുറഞ്ഞത് ഒരു മണിക്കൂറെങ്കിലും വ്യായാമം ചെയ്യാനാണ് ഡോ. പാർക്ക് ശുപാർശ ചെയ്യുന്നത്. മറ്റ് തരത്തിലുള്ള വ്യായാമങ്ങൾ സാധ്യമല്ലെങ്കിൽ നടക്കുകയെങ്കിലും ചെയ്യുക.