കലാരംഗത്തെ മാറ്റത്തിന്റെ മുഖം; നാരി ശക്തി പുരസ്കാരം നേടി ഇവർ

അൻഷു ഖന്ന; ഇന്ത്യയിലെ മുൻകാല രാജകുടുംബങ്ങളിലെ കല, കരകൗശലം, വസ്ത്രവൈവിധ്യം എന്നിവയുടെ പ്രദർശനത്തിനായി റോയൽ ഫാബിൾസ് സ്ഥാപിച്ചു. കൊട്ടാരങ്ങളുടെ പാരമ്പര്യം പുനരുജ്ജീവിപ്പിക്കുന്നതിലൂടെ ആയിരക്കണക്കിന് സ്ത്രീകൾക്ക് ജീവനോപാധി കണ്ടെത്തി.

ഇതി ത്യാഗി: ഇന്ത്യയുടെ കരകൗശല വൈദഗ്ധ്യം ലോകത്തിനു മുന്നിൽ എത്തിക്കുന്നതിനായി ക്രാഫ്റ്റ് വില്ലേജ് സ്ഥാപിച്ചു. ഗ്രാമീണ നഗര മേഖലകൾ തമ്മിലുള്ള അന്തരമില്ലാതാക്കുന്നതിനും ക്രാഫ്ഫ് വില്ലേജ് സഹായിക്കുന്നു. പരമ്പരാഗത കരകൗശല വിദ്യകളെ ആധുനിക ഉപഭോക്താക്കളിലേക്ക് എത്തിക്കുന്നതിനും ഇത് സഹായിക്കുന്നു.

ലളിത വകിൽ: ചമ്പ റുമാലിനെ പുനരുജ്ജീവിപ്പിക്കുകയും ഉയർത്തുകയും ചെയ്തു. പരമ്പരാഗത ചമ്പ ക്രാഫ്റ്റ് സംരക്ഷിക്കുന്നതിനായി പ്രവർത്തിച്ചു.

ഡോ. മാധുരി: ഓൾ ഇന്ത്യ റേഡിയോയിലെ ആദ്യ വനിത സംഗീത സംവിധായിക. ആദ്യ വനിത ഗർവാലി സംഗീതജ്ഞ. നൂറുകണക്കിന് വിദ്യാർഥികളെയും സ്ത്രീകളെയും നാടൻപാട്ട് അഭ്യസിപ്പിക്കുന്നു. ഉത്തരാഖണ്ടിലെ നാടൻപാട്ട് സംരക്ഷിക്കുന്നതിനു വേണ്ടി പ്രവർത്തിക്കുന്നു.

സീമ മേത്ത: കഥക് ഇതിഹാസം പണ്ഡിറ്റ് ചിത്രേഷ് ദാസിന്റെ ശിഷ്യ. തന്റെ ഗുരു പകർന്നു നൽകിയ അറിവ് പുതിയ തലമുറയ്ക്ക് കൈമാറുന്നതിനായി ഛന്ദാം നൃത്ത ഭാരതി എന്ന സ്ഥാപനം ആരംഭിച്ചു. താഴെക്കിടയിലുള്ള കുട്ടികളെ കഥക് അഭ്യസിപ്പിക്കുന്നതിനായി വിവിധ സംഘടനകളുമായി സഹകരിച്ച് പ്രവർത്തിക്കുന്നു.

സ്മൃതി മൊറാർക: ബനാറസിലെ നെയ്ത്ത് പുനരുജ്ജീവിപ്പിക്കുന്നതിനായി തന്തൂവി ഫൗണ്ടേഷൻ സ്ഥാപിച്ചു. കൈത്തറിയുടെ പരമ്പരാഗത സങ്കേതങ്ങൾ സംരക്ഷിക്കുന്നതിനായി നെയ്ത്തുകാരുമായി സഹകരിച്ച് പ്രവർത്തിക്കുന്നു.