‌ലണ്ടനിൽ പൊതുസ്ഥലത്ത് പാൻമസാല ചവച്ച്തുപ്പിയ 2 ഇന്ത്യക്കാർക്ക് 1.72 ലക്ഷം രൂപ പിഴ

പാൻ മസാല ചവച്ച് തുപ്പിയതിന് 12,371 രൂപയാണ് ഇരുവർക്കും ആദ്യം പിഴ ചുമത്തിയിരുന്നത്. നോർത്ത് വെസ്റ്റ് ലണ്ടൻ മജിസ്ട്രേറ്റ് കോടതിയുടേതാണ് നടപടി. എന്നാൽ കോടതിയിൽ ഹാജരാകാനോ പിഴത്തുക അടയ്ക്കാനോ ഇരുവരും തയാറായിരുന്നില്ല. ഈ സാഹചര്യത്തിലാണ് പിഴത്തുക 1.72 ലക്ഷമായി ഉയർന്നത്.

2025 ജൂൺ 11- ന് കിംഗ്‌സ്ബറിയിലെ റോഡിൽ പാൻമസാല ചവച്ചുതുപ്പിയതിനാണ് അക്ഷിത് കുമാറിനെ ശിക്ഷിച്ചത്. തൊട്ടടുത്ത ദിവസം വെംബ്ലി ഹില്ലിലെ റോഡിൽ തുപ്പിയതിന് ഹിതേഷ് പട്ടേലിനുമാണ് കോടതി ശിക്ഷിച്ചത്.

ലണ്ടനിലെ പൊതുയിടങ്ങളിൽ ഇത്തരത്തിൽ പാൻമസാല ചവച്ചുതുപ്പുന്നത് വൃത്തിയാക്കുന്നതിന് പ്രതിവർഷം 37 ലക്ഷം രൂപയാണ് ​ഗവൺമെന്റ് ചെലവഴിക്കുന്നത്. ഇത്തരം പ്രവൃത്തികളിലൂടെ പൊതുസ്ഥലങ്ങൾ  വൃത്തിഹീനമാക്കുന്നവരെ പിടികൂടാൻ എൻഫോഴ്‌സ്‌മെന്റ് ഉദ്യോഗസ്ഥർ ദിവസവും പട്രോളിംഗ് നടത്തുന്നുണ്ട്. പിഴത്തുക അടച്ചില്ലെങ്കിൽ ആ വ്യക്തിക്കെതിരെ കേസെടുക്കും.