Priyanka Chopra| യുക്രെയ്ൻ മുതൽ അഫ്ഗാനിസ്ഥാൻ വരെ; വനിതാ ദിനം പോരാളികളായ സ്ത്രീകൾക്ക് സമർപ്പിച്ച് പ്രിയങ്ക ചോപ്ര

ഈ വനിതാ ദിനം ( Women's Day) ലോകത്തിലെ പോരാടുന്ന എല്ലാ സ്ത്രീകൾക്കുമായി സമർപ്പിച്ച് പ്രിയങ്ക ചോപ്ര (Priyanka Chopra). അഭയാർത്ഥി (Refugees)പ്രശ്നങ്ങളിൽ ഇടപെടുകയും പോരാടുകയും ചെയ്യുന്ന സ്ത്രീകളെയാണ് പ്രിയങ്ക തന്റെ വനിതാ ദിനം സമർപ്പിച്ചത്.

ഇൻസ്റ്റഗ്രാമിൽ പങ്കുവെച്ച പോസ്റ്റിൽ യുക്രെയ്ൻ മുതൽ അഫ്ഗാനിസ്ഥാൻ വരെ ദുരിതമനുഭവിക്കുന്ന ഭൂമിയിലെ സ്ത്രീകളോടുള്ള ഐക്യദാർഢ്യമാണ് പ്രിയങ്ക പ്രകടിപ്പിച്ചത്.

“എനിക്ക് മുമ്പുള്ള പോരാട്ടത്തിൽ പങ്കെടുത്ത സ്ത്രീകൾക്ക്, ഞാൻ നിങ്ങൾക്ക് നന്ദി പറയുന്നു. എനിക്ക് ശേഷമുള്ള സ്ത്രീകളോട്, ഞാൻ ആ പോരാട്ടം തുടരും." എന്ന കുറിപ്പോടെയാണ് പ്രിയങ്കയുടെ പോസ്റ്റ്.

യുക്രെയിനിൽ നിന്നെത്തുന്ന അമ്മമാർക്ക് തങ്ങളുടെ കുഞ്ഞുങ്ങളെ കിടത്താനായി റെയിൽവേ സ്റ്റേഷനിൽ സ്ട്രോളേഴ്സുകൾ നൽകിയ പോളിഷ് സ്ത്രീകളെ കുറിച്ചാണ് പ്രിയങ്കയുടെ ഒരു പോസ്റ്റ്. (Image: Priyanka chopra/ Instagram)

റഷ്യൻ ആക്രമിക്കുന്ന യുക്രെയ്നിലെ അമ്മമാർക്കും നവജാത ശിശുക്കൾക്കും സംരക്ഷണം ഒരുക്കുന്ന വനിതാ ആരോഗ്യപ്രവർത്തകരുടെ ചിത്രമാണ് പ്രിയങ്ക ആദ്യം പങ്കുവെച്ചത്. (Image: Priyanka chopra/ Instagram)

സുഡാനി സ്ത്രീകൾക്കു വേണ്ടി പ്രവർത്തിക്കുന്ന യുഗാണ്ടയിലെ കംപാലയിലുള്ള വനിതാ സംഘടനയുടെ ചിത്രവും പ്രിയങ്ക പങ്കുവെച്ചിട്ടുണ്ട്. (Image: Priyanka chopra/ Instagram

അഭയാർത്ഥികളായ സിറിയൻ അമ്മമാർക്കും കുഞ്ഞുങ്ങൾക്കും താങ്ങായി നിൽക്കുന്ന ഗ്രീസിലെ വൃദ്ധ വനിതകളുടെ ചിത്രമാണ് മറ്റൊരു ചിത്രം. (Image: Priyanka chopra/ Instagram

ലോകത്തിനുവേണ്ടി, ലോകത്തെ സേവിക്കുന്നതിനായി നമ്മുടെ ഇടയിൽ നിന്ന് ഉയർന്നുവന്നവരാണ് അവർ. ലോകമെമ്പാടുമുള്ള സ്ത്രീകൾക്കു വേണ്ടിയുള്ള ഈ ദിവസം, എനിക്ക് പ്രചോദനം നൽകുന്ന ചില അസാമാന്യ സ്ത്രീകളെ അവതരിപ്പിക്കാൻ ഞാൻ ആഗ്രഹിക്കുന്നു. ലോകമെമ്പാടുമുള്ള അഭയാർഥി പ്രതിസന്ധിയുടെ മുൻനിരയിലാണ് ഈ ധീര വനിതകൾ. നിങ്ങളുടെ അശ്രാന്തമായ സമർപ്പണത്തിന് ഞാൻ നന്ദി പറയുന്നു. നിങ്ങൾക്കെല്ലാവർക്കും അന്താരാഷ്ട്ര വനിതാദിനം ആശംസിക്കുന്നു. പ്രിയങ്ക തന്റെ പോസ്റ്റിൽ വ്യക്തമാക്കി. (Image: Priyanka chopra/ Instagram

നേരത്തേ, സൂപ്പർ മോഡലായ ജീജി ഹദീദും യുക്രെയ്നിലേയും പലസ്തീനിലേയും ദുരിതബാധിതർക്ക് പിന്തുണ നൽകിയിരുന്നു. ഈ വർഷത്തെ തന്റെ ഫാഷൻ ഷോകളിലൂടെ ലഭിച്ച വരുമാനം മുഴുവൻ ഈ സ്ഥലങ്ങളിലെ ദുരിതബാധിതർക്ക് നൽകുമെന്നായിരുന്നു ജിജിയുടെ പ്രഖ്യാപനം. (Image: Priyanka chopra/ Instagram