Femina Miss India World 2022| മിസ് ഇന്ത്യ കിരീടം നേടി കർണാടക സ്വദേശി സിനി ഷെട്ടി

ഈ വർഷത്തെ ഫെമിന മിസ് ഇന്ത്യ വേൾഡ് (Femina Miss India World 2022)കിരീടം ചൂടി കർണാടക സ്വദേശി സിനി ഷെട്ടി (Sini Shetty ). മുംബൈയിൽ നടന്ന ഗ്രാൻ‌റ് ഫിനാലെയിൽ രാജസ്ഥാൻ സ്വദേശി റൂബൽ ഷെഖാവത്താണ് ഫസ്റ്റ് റണ്ണർ അപ്പ്.

ഉത്തർപ്രദേശിൽ നിന്നുള്ള ഷിനത ചൗഹാൻ ആണ് സെക്കന്റ് റണ്ണർ അപ്പായി തിരഞ്ഞെടുക്കപ്പെട്ടത്. 31 മത്സരാർത്ഥികളിൽ നിന്നാണ് വിജയിയെ തിരഞ്ഞെടുത്തത്. ഇന്നലെ ജിയോ വേൾഡ് സെന്ററിൽ വെച്ചാണ് ചടങ്ങ് നടന്നത്.

ബോളിവുഡ് താരങ്ങളായ നേഹ ദൂപിയ, ദിനോ മൊറിയ, മലൈക അറോറ, ഫാഷൻ ഡിസൈനർമാരായ രോഹിത് ഗാന്ധി, രാഹുൽ ഖന്ന, നൃത്തസംവിധായകൻ ഷിമക് ദവാർ, മുൻ ക്രിക്കറ്റ് താരം മിതാലി രാജ് എന്നിവരായിരുന്നു ജൂറി അംഗങ്ങൾ.

ഫെമിന മിസ് ഇന്ത്യ 2021 തെലങ്കാനയിലെ മാനസ വാരണാസി കിരീടം ചൂടിയത് സിനിയായിരുന്നു. ഈ വർഷ നടക്കുന്ന മിസ് വേൾഡ് മത്സരത്തിൽ ഇന്ത്യയെ പ്രതിനിധീകരിക്കുന്നത് സിനി ഷെട്ടിയായിരിക്കും.

ചാർട്ടേഡ് ഫിനാൻഷ്യൽ അനലിസ്റ്റ് (CFA) വിദ്യാർത്ഥിനിയാണ് 21 കാരിയായ സിനി ഷെട്ടി.

ബോളിവുഡ് താരം കൃതി സനോനിന്റെ നൃത്തപരിപാടിയും വേദിയിൽ നടന്നു. മനീഷ് പോൾ ആണ് അവതാരകനായി എത്തിയത്. അമേരിക്കൻ നടിയും നർത്തകിയുമായ ലോറൻ ഗോത്ലിബിന്റെ നൃത്തപരിപാടിയും നടന്നു.