പവർഫുളായി തന്നെ ജാവ തിരിച്ചുവരുന്നു

എഴുപതുകളിലെ ഇന്ത്യൻ യുവത്വത്തിന്​ ഹരമായിരുന്നു ജാവ ബൈക്കുകൾ

1971 വരെ ഇന്ത്യൻ നിരത്തുകളെ പ്രകമ്പനം കൊള്ളിച്ച് ജാവയുണ്ടായിരുന്നു

പിന്നീട്​ യെസ്ഡിയെന്ന്​ പേരിലും ജാവ ഇന്ത്യൻ യുവത്വത്തി​​​ന്റെ നെഞ്ചിടിപ്പേറ്റി നിരത്തിലുണ്ടായിരുന്നു

വിദേശ വാഹന നിർമാതാക്കളുടെ കുത്തൊഴുക്കിൽ ജാവ വിപണിയിൽ നിന്ന്​ പിൻവാങ്ങി

റോയൽ എൻഫീൽഡി​നൊഴികെ മറ്റാർക്കും ഈ കുത്തൊഴുക്കിൽ പിടിച്ച്​ നിൽക്കാനായില്ല

വർഷങ്ങൾക്ക്​ ശേഷം 2016ൽ മഹീന്ദ്ര ബ്രിട്ടീഷ്​ ഇരുചക്ര വാഹന നിർമാതാക്കളായ ബി.എസ്.എയെ ഏറ്റെടുത്തതോടെയാണ്​ ജാവ വീണ്ടും നിരത്തിലെത്തുന്നതിന്​ വഴിയൊരുങ്ങിയത്​

മഹീ​ന്ദ്ര മേധാവി ആനന്ദ്​ മഹീന്ദ്ര ട്വിറ്ററിലുടെയാണ്​ ജാവ വീണ്ടും എത്തുന്നുവെന്ന വിവരം അറിയിച്ചത്

പ്രഖ്യാപനം നടത്തി രണ്ട്​ വർഷത്തിന്​ ശേഷം മഹീന്ദ്ര വാക്കുപാലിച്ചു. 300 സി.സി എൻജിൻ കരുത്തിൽ പഴയ പ്രൗഢിയോടെയാണ് ജാവ വീണ്ടും അവതരിക്കുന്നത്​