Kerala Gold Price Today: 'പിടിവിട്ടു ... മക്കളെ'; സ്വര്‍ണവിലയിൽ വീണ്ടും വർധന; പവന് 46000 കടന്നു

തിരുവനന്തപുരം: സംസ്ഥാനത്ത് സ്വർണ വിലയില്‍ വര്‍ധനവ്. കഴിഞ്ഞ മൂന്ന് ദിവസം തുടർച്ചയായി വർധിച്ച സ്വർണ വില കഴിഞ്ഞ ദിവസമായിരുന്നു കുറ‍ഞ്ഞത്.ഒറ്റ ദിവസം കൊണ്ട് 200 രൂപയുടെ വര്‍ധനവാണ് ഉണ്ടായത്.

ഇതോടെ ഒരു പവന്‍ സ്വര്‍ണത്തിന്റെ വില 46,080 രൂപയായി. ഗ്രാമിന് 25 രൂപയാണ് വര്‍ധിച്ചത്. 5760 രൂപയാണ് ഒരു ഗ്രാം സ്വര്‍ണത്തിന്റെ വില.

കഴിഞ്ഞ 5 ദിവസത്തിനിടെ 440 രൂപയിലധികമാണ് ഒരു പവൻ സ്വർണത്തിന് കൂടിയത്. 200 രൂപയാണ് തിങ്കളാഴ്ച മാത്രം സ്വർണത്തിന് വർധിച്ചത്. അതോടെ 45960 രൂപയാണ് തിങ്കളാഴ്ച സ്വർണ വ്യാപാരം നടന്നത്.

5745 രൂപയാണ് ഒരു ഗ്രാമിന്റെ വില. എന്നാൽ ചൊവ്വാഴ്ച സ്വർണം പവന് 80 രൂപ കുറഞ്ഞു. 45,880 രൂപ നിരക്കിലാണ് ചൊവ്വാഴ്ച സ്വർണ വ്യാപാരം പുരോഗമിക്കുന്നത്. ഗ്രാമിന് 10 രൂപ കുറഞ്ഞ് 5735 രൂപയിലെത്തിയിരുന്നു.

ജനുവരി 2 ആം തീയ്യതിയാണ് സ്വർണത്തിന് 2024ലെ ഏറ്റവും ഉയർന്ന വില രേഖപ്പെടുത്തിയത്. 47000 രൂപയായിരുന്നു ജനുവരി 2ന് ഒരു പവൻ സ്വർണത്തിന്റെ വില.