Gold Price Today|സ്വർണ വിലയിൽ പ്രതീക്ഷ വേണ്ട; തിരിച്ചു കയറി സ്വർണം; അരലക്ഷത്തിലേക്ക് ഇനി കുറച്ച് ദൂരം മാത്രം

സ്വർണ വിലയിൽ പ്രതീക്ഷ വയ്ക്കുന്നതില്‍ കാര്യമുണ്ടാകുമെന്ന് തോന്നുന്നില്ല. സ്വർണത്തിന്‍റെ വില വീണ്ടും ഉയർന്ന് തന്നെ. ഇതോടെ വീണ്ടും റെക്കോർഡിട്ടാണ് സ്വാർണ വ്യാപാരം നടക്കുന്നത്. ഒരു പക്ഷെ ഏപ്രിൽ മാസം പകുതിയോടെ സ്വർണ വില അരലക്ഷം രൂപയ്ക്ക് മുകളിലേക്കെത്തും.

49,080 രൂപയിലാണ് സംസ്ഥാനത്ത് ബുധനാഴ്ച സ്വർണ വ്യാപാരം നടന്നത്. ഗ്രാമിന് 6135 രൂപ. എന്നാൽ വ്യാഴാഴ്ച വീണ്ടും വില കൂടി. പവന് 280 രൂപയാണ് ഇന്ന് കൂടിയത്. 49,360 രൂപയാണ് ഇന്ന് ഒരു പവൻ സ്വർണത്തിന്‍റെ വില.

ഗ്രാമിന് 35 രൂപ വർധിച്ച് 6,170 രൂപയിലെത്തി. സ്വർണ വിലയുടെ ചരിത്രത്തിലെ ഏറ്റവും ഉയർന്ന രണ്ടാമത്തെ വിലയാണ് ഇന്ന് രേഖപ്പെടുത്തയത്.

48,920 രൂപയായിരുന്നു ചൊവ്വാഴ്ച സംസ്ഥാനത്തെ സ്വർണ വില. എന്നാൽ ബുധനാഴ്ച വീണ്ടും വില 49,000 രൂപയ്ക്ക് മുകളിലേക്ക് തന്നെ പോയി. 160 രൂപയാണ് ബുധനാഴ്ച സ്വർണത്തിന് വർധിച്ചത്. അതൊടെ പവന്‍റെ 49,080 രൂപയിലേക്കെത്തി. 6,135 രൂപയാണ് ഗ്രാമിന്‍റെ വില.

ഈ മാസം സ്വർണവിലയിൽ വലിയ വർദ്ധനവാണ് കാണാനായത്. മാർച്ച് 19ന്റെ കണക്കും കടന്ന് മാർച്ച് 21ന് സംസ്ഥാനത്തെ ഏറ്റവും ഉയര്‍ന്ന നിരക്കിലേക്ക് സ്വർണ്ണവില എത്തി. 49,440 രൂപയായി വർദ്ധിച്ചു.

അതേസമയം മാർച്ച് മാസത്തില്‍ ഒരു പവനിൽ കുറിച്ച ഏറ്റവും താഴ്ന്ന നിരക്ക് 46,320 രൂപയിലായിരുന്നു.രാജ്യാന്തര വിപണിയിലെ വില കയറ്റമാണ് കേരളത്തിലെ വില വർധനയ്ക്ക് കാരണം.