Gold Price Today in Kerala | കുറഞ്ഞതെല്ലാം അതേപടി കൂടുന്നു; ഇന്ന് കൂടിയത് 200 രൂപ; വില അറിയാം

തിരുവനന്തപുരം: സംസ്ഥാനത്ത് സ്വർണ വിലയില്‍ വര്‍ധനവ്. ഒറ്റ ദിവസം കൊണ്ട് 200 രൂപയുടെ വര്‍ധനവാണ് ഉണ്ടായത്. ഇതോടെ ഒരു പവന്‍ സ്വര്‍ണത്തിന്റെ വില 45,960 രൂപയായി. ഗ്രാമിന് 25 രൂപയാണ് വര്‍ധിച്ചത്. 5745 രൂപയാണ് ഒരു ഗ്രാം സ്വര്‍ണത്തിന്റെ വില.

കഴിഞ്ഞ നാല് ദിവസംകൊണ്ട് സ്വർണവില ഉയരുന്നതാണ് കാണുന്നത്. 440 രൂപയാണ് നാല് ദിവസം കൊണ്ട് വർധിച്ചത്. സ്വർണവില വീണ്ടും 46,000 കടക്കുമോ എന്നുള്ള ആശങ്കയിലാണ് ഉപഭോക്താക്കൾ.

ഫെബ്രുവരിയില്‍ രേഖപ്പെടുത്തിയ ഏറ്റവും ഉയര്‍ന്ന പവന്‍ വില 46640 രൂപയാണ്. ഏറ്റവും കുറഞ്ഞത് 45520 രൂപയും. വില കുറഞ്ഞത് സ്വര്‍ണം വാങ്ങാനിരുന്നവര്‍ക്ക് വലിയ ആശ്വാസമായിരുന്നു.

അതിനിടെയാണ് വിപണി സാഹചര്യം മാറിയതും സ്വര്‍ണ വില കുതിക്കാന്‍ തുടങ്ങിയതും. വലിയ തോതിലുള്ള ഇടിവ് ഇനി ഉടന്‍ പ്രതീക്ഷിക്കേണ്ടതില്ല.

സ്വർണത്തിന്റെ വില വരും ദിവസങ്ങളിലും ഇതേ രീതിയില്‍ തുടരുമെന്നാണ് നിരീക്ഷണം.