പൊൻകുന്നത്ത് വാഹനാപകടം; വയോധിക മരിച്ചു; അപകടമുണ്ടാക്കിയത് കാറിന്റെ അമിത വേഗവും അശ്രദ്ധയും

പൊന്‍കുന്നം പി.പി റോഡിലുണ്ടായ വാഹനാപകടത്തിൽ വയോധികയ്ക്ക് ദാരുണാന്ത്യം. ഓട്ടോറിക്ഷയിൽ സഞ്ചരിച്ചിരുന്ന സുഹ്റ(58) ആണ് മരിച്ചത്.

മരിച്ച സുഹ്‌റയുടെ ഭര്‍ത്താവ് ഹസനും ഗുരുതരമായി പരിക്കേറ്റ് ചികിത്സയിലാണ്.

കാര്‍ യാത്രികരായ പൊന്‍കുന്നം തച്ചോലിക്കല്‍ കണ്ണന്‍(35) ഭാര്യ മീനു (23)എന്നിവരെ കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചു. പരുക്കേറ്റ രണ്ടു പേരുടെ നില ഗുരുതരമായി തുടരുന്നു.

തിങ്കളാഴ്ച വൈകിട്ട് KSRTC ഡിപ്പോയ്ക്ക് സമീപമായിരുന്നു അപകടം.

അമിത വേഗത്തിലെത്തിയ ടാറ്റ ഇൻഡിഗോ കാറാണ് അപകടമുണ്ടാക്കിയത്. തേഞ്ഞുതീരാറായ ടായറുകളുള്ള കാർ അമിതവേഗത്തിലെത്തിയതും അശ്രദ്ധമായുമാണ് അപകടത്തിനിടയാക്കിയതെന്നാണ് ദൃക്സാക്ഷികള്‍ പറയുന്നത്.

പൊന്‍കുന്നം ഭാഗത്ത് നിന്നുമെത്തിയ കാര്‍ എതിരെ വന്ന ഓട്ടോയിലും റോഡരികില്‍ പാര്‍ക്ക് ചെയ്തിരുന്ന ഇന്നോവയിലും ഇടിക്കുകയായിരുന്നു.

അമിത വേഗതയിലെത്തിയ കാർ ബ്രേക്ക് ചെയ്യാൻ ശ്രമിക്കുന്നതിനിടെയാണ് അപകടമുണ്ടായത്.

ഗുരുതര പരിക്കേറ്റവരെ പൊന്‍കുന്നത്തെ സ്വാകാര്യ ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു.

പി.പി റോഡിലെ ഈ വളവ് സ്ഥിരം അപകട മേഖലയാണെന്ന് നാട്ടുകാർ പരാതിപ്പെടുന്നു.