പ്രമുഖ ബ്രാൻഡുകളുടെ പേരിൽ വ്യാജ എണ്ണ നിർമാണം; രണ്ട് പേർ പിടിയിൽ

വ്യാജ എണ്ണയുടെ വൻശേഖരം പിടികൂടി. ഉമയനല്ലൂരിൽ സ്വകാര്യ ഗോഡൗൺ കേന്ദ്രീകരിച്ചായിരുന്നു നിർമാണം.

ചക്കിലാട്ടിയ എണ്ണ എന്ന പേരിൽ മറ്റ് കമ്പനികളുടെ പേരിലാണ് വ്യാജ എണ്ണ പുറത്തിറക്കിയിരുന്നത്. സംഭവത്തിൽ ഉമയനല്ലൂർ സ്വദേശികളായ സജീർ, നിഷാദ് എന്നിവരെ പിടികൂടി.

വ്യാജൻ വിപണിയിലെത്തുന്നത് ശ്രദ്ധയിൽപ്പെട്ട മറ്റ് കമ്പനികൾ നൽകിയ പരാതിയുടെ അടിസ്ഥാനത്തിലായിരുന്നു ഭക്ഷ്യ സുരക്ഷാ വകുപ്പ് പരിശോധന. പാം ഓയിൽ ചേർത്തായിരുന്നു വ്യാജ നിർമാണം.

അഞ്ചു കമ്പനികളുടെ പേരിലാണ് വിപണിയിലെത്തിച്ചിരുന്നത്.

ചക്കിലാട്ടിയ എണ്ണയെന്ന് കാട്ടി വില്പന നടത്തിയാൽ ഉപഭോക്താക്കളുടെ ശ്രദ്ധ നേടുമെന്നതാണ് നിർമാണത്തിന് കാരണമെന്ന് പിടിയിലവർ പറഞ്ഞു.

ലൈസൻസ് റദ്ദാക്കപ്പെട്ട കമ്പനികളുടെ പേരിലും വ്യാജൻ പുറത്തിറക്കിയിരുന്നു.

ബ്രാൻഡഡ് കമ്പനിയുടെ പേരിലെ 2 ഉത്പന്നങ്ങളും വ്യാജമായി നിർമിച്ചു.

പിടിയിലായവരെ കൊട്ടിയം പോലീസിന് കൈമാറി.