PHOTOS- ഭീതി വിതച്ച് തേനീച്ചക്കൂട്ടം

തേനീച്ചയുടെ കുത്തേറ്റ് സംസ്ഥാനത്ത് വീണ്ടും മരണം. വിതുര തേവിയോട് ഹസൻ (75) ആണ് തേനീച്ചക്കുത്തേറ്റ് കഴിഞ്ഞ ദിവസം മരിച്ചത്. തേനീച്ചയുടെ കുത്തേറ്റ സലിം (55) മെഡിക്കൽ കോളേജ് ആശുപത്രിയിൽ ചികിത്സയിലാണ്

ഒരു മാസത്തിനിടെ ഇത് മൂന്നാമത്തെയാളാണ് തേനീച്ചയുടെ കുത്തേറ്റ് മരിക്കുന്നത്

ജനുവരി 17ന് പാങ്ങോട് സ്വദേശി സോമൻകുറുപ്പ് തേനീച്ചയുടെ കുത്തേറ്റ് മരിച്ചിരുന്നു

വീടിനു സമീപമുള്ള പുരയിടത്തിലെ വലിയ മരത്തിൽ തൂങ്ങിക്കിടന്ന തേനീച്ച കൂട് പരുന്തിന്‍റെ ആക്രമണത്തിൽ ചിതറിപ്പറന്ന് സോമൻ കുറുപ്പിനെയും സമീപവാസികളെയും ആക്രമിക്കുകയായിരുന്നു. ശരീരമാസകലം കുത്തേറ്റ സോമൻ കുറുപ്പിനെ ആശുപത്രിയിൽ പ്രവേശിപ്പിച്ചെങ്കിലും മരിക്കുകയായിരുന്നു

മുവാറ്റുപുഴ കുന്നയ്ക്കാൽ തേവർമഠത്തിൽ ബെന്നിയുടെ മകൾ അലീന (13)യാണ് തേനീച്ചയുടെ കുത്തേറ്റ് ഈ വർഷം ആദ്യം മരിച്ചത്

വൈകുന്നേരം വീടിനു സമീപത്തു നിന്ന കുട്ടിക്ക് തേനീച്ചയുടെ കുത്തേൽക്കുകയായിരുന്നു

കുട്ടിയെ കോലഞ്ചേരി മെഡിക്കൽ കോളേജിൽ എത്തിച്ചെങ്കിലും അടുത്ത ദിവസം പുലർച്ചയോടെ മരണത്തിന് കീഴടങ്ങുകയായിരുന്നു. വീടിനു സമീപം വളർത്തിവന്ന തേനീച്ചകളാണ് കുട്ടിയെ ആക്രമിച്ചത്