തൂക്കത്തിന്റെ കാര്യത്തിൽ മോശക്കാരനല്ലെന്ന് ശതാവരിയും; കൊല്ലത്ത് വിളഞ്ഞ കിഴങ്ങിന്റെ ഭാരം 61.5 കിലോ

കേരളത്തിലെ ഭീമൻ ചക്കകൾക്ക് ശേഷം ഭാരത്തിന്റെ കാര്യത്തിൽ റെക്കോർഡ് സൃഷ്ടിക്കാൻ മറ്റൊന്നു കൂടി. ശതാവരി കിഴങ്ങ്! കുണ്ടറയിൽ കർഷകനായ പ്രദീപിന്റെ പറമ്പിലാണ് ഭീമൻ ശതാവരി കിഴങ്ങ് വിളഞ്ഞത്.

ശതാവരി കിഴങ്ങ്! കുണ്ടറയിൽ കർഷകനായ പ്രദീപിന്റെ പറമ്പിലാണ് ഭീമൻ ശതാവരി കിഴങ്ങ് വിളഞ്ഞത്.

സാധാരണ നിലയിൽ ഒരു ചെടിയിൽ നിന്ന് 10 മുതൽ 12 കിലോ വരെ ശതാവരി കിഴങ്ങ് ലഭിക്കുന്ന സ്ഥാനത്താണ് 61. 5 കിലോ തൂക്കമുള്ള കിഴങ്ങ് വളർന്നത്.

ആയുർവേദത്തിലെ ജീവന പഞ്ചമൂലകങ്ങളിൽ ഉൾപ്പെടുന്ന ശതാവരി നിരവധി ഔഷധക്കൂട്ടുകളിൽ ഭാഗമാണ്.

സംസ്ഥാനത്തിന്റെ വിവിധ ഭാഗങ്ങളിൽ നിന്ന് ഭീമൻ ചക്കകളുടെ ഭാരം പറഞ്ഞുള്ള വാർത്തകൾ വന്നതിനു പിന്നാലെയാണ് ശതാവരിയും വലുപ്പത്തിന്റെ കാര്യത്തിൽ ചർച്ചയാവുന്നത്.

കുതിരപ്പന്തി സ്വദേശിയായ പ്രദീപിന് സ്വന്തമായുള്ള അഞ്ചേക്കർ ഭൂമിയിലാണ് പച്ചക്കറികളുടെയും ഔഷധ സസ്യങ്ങളുടെയും കൃഷി.

ഈ വിഭാഗം കിഴങ്ങുവർഗത്തിൽ ഇത്രയും ഭാരമുള്ള വിള നേരത്തെയുള്ളതായി രേഖയില്ല.

ആദ്യമായാണ് പറമ്പിൽ നിന്ന് ഇത്രയും വലുപ്പത്തിൽ ശതാവരി ലഭിക്കുന്നതെന്ന് പ്രദീപ് പറയുന്നു.

ഗിന്നസ് ബുക്ക് അധികൃതർക്ക് ശതാവരി കിഴങ്ങിന്റെ വിവരം കൈമാറിയിരിക്കുകയാണ്.

നേരത്തെ കൊല്ലത്തും വയനാട്ടിലും ഉൾപ്പെടെയാണ് ഭീമൻ ചക്കകൾ ചർച്ചയായത്.

അൻപതു കിലോയ്ക്ക് മുകളിലായിരുന്നു ചക്കകൾക്ക് ഭാരം. കൊല്ലത്ത് മന്ത്രി കെ രാജു ഭീമൻ ചക്ക മുറിച്ച് സന്തോഷം പങ്കുവച്ചിരുന്നു.